നശ മുക്ത് ഭാരത് അഭിയാൻ: എൻഎസ്എസ് വളണ്ടിയർമാർക്ക് പരിശീലനം നൽകി
നശ മുക്ത് ഭാരത് അഭിയാൻ ലഹരിമുക്ത കണ്ണൂരിന്റെ ഭാഗമായി ജില്ലാ ഭരണകൂടം, ജില്ലാ സാമൂഹ്യനീതി ഓഫീസ് എന്നിവ എൻഎസ്എസ് വളണ്ടിയർമാർക്ക് ജില്ലാതല പരിശീലന പരിപാടി സംഘടിപ്പിച്ചു. എഡിഎം സി പദ്മചന്ദ്രക്കുറുപ്പ് ഉദ്ഘാടനം ചെയ്തു. വിദ്യാഭ്യാസ സ്ഥാപനങ്ങളിൽ രൂപീകരിച്ച ലഹരിക്കെതിരായ ജാഗ്രതാ സെല്ലുകൾ കാര്യക്ഷമമായി പ്രവർത്തിപ്പിക്കാൻ വളണ്ടിയർമാർ പ്രത്യേകം ശ്രദ്ധിക്കണമെന്ന് എഡിഎം പറഞ്ഞു.
അസിസ്റ്റന്റ് എക്സൈസ് കമ്മീഷണറും വിമുക്തി മാനേജറുമായ പി.കെ സതീഷ് കുമാർ അധ്യക്ഷനായി. ജില്ലാ പഞ്ചായത്ത് വീഡിയോ കോൺഫറൻസ് ഹാളിൽ നടന്ന പരിശീലനത്തിൽ കണ്ണൂർ സർവകലാശാലയ്്ക്ക് കീഴിലെ വിവിധ കോളേജുകളിൽ നിന്ന് തിരഞ്ഞെടുത്ത അമ്പതോളം വളണ്ടിയർമാർ പങ്കെടുത്തു. കേരള എസ് എൽ സി എ കോ ഓർഡിനേറ്റർ ഫാ. ജിൻസ് ജോസഫ്, ട്രെയിനിങ് കോ ഓർഡിനേറ്റർ ടി.എം മാത്യു എന്നിവർ ക്ലാസെടുത്തു. ജില്ലാ സമൂഹ്യ നീതി ഓഫീസർ പി ബിജു, എൻ എം ബി എ ജില്ലാ നോഡൽ ഓഫീസർ പി.കെ നാസർ, എസ് എൽ സി എ ഫീൽഡ് ഓഫീസർ അമൽ മത്തായി, സി.എച്ച്.എ.എസ്.എസ് അസി. ഡയറക്ടർ ഫാ. ജോർജ് തൈച്ചേരിൽ, ഐ ആർ സി എ കൗൺസിലർമാരായ അരുൺ കുര്യാക്കോസ്, ജെറിൻ വർഗീസ് എന്നിവർ സംസാരിച്ചു. വിമുക്തിയുടേയും എസ്എൽസിഎയുടേയും സഹകരണത്തോടെയാണ് പരിശീലന പരിപാടി സംഘടിപ്പിച്ചത്.
About The Author
