പരിയാരം വിഎച്ച്എസ്എസിൽ ഹയർ സെക്കൻഡറി കെട്ടിടം പ്രവൃത്തി ഉദ്ഘാടനം ചെയ്തു -

കിഫ്ബി പദ്ധതിയിൽ പരിയാരം കെകെഎൻപിഎംജി വിഎച്ച്എസ്എസിൽ നിർമ്മിക്കുന്ന ഹയർ സെക്കൻഡറി കെട്ടിടത്തിന്റെ പ്രവൃത്തി ഉദ്ഘാടനവും മൂന്ന് ക്ലാസ് മുറികളുടെ ഉദ്ഘാടനവും എം.വി ഗോവിന്ദൻ മാസ്റ്റർ എംഎൽഎ നിർവ്വഹിച്ചു. ജില്ലാ പഞ്ചായത്ത് പ്രസിഡന്റ് അഡ്വ. കെ.കെ രത്‌നകുമാരി അധ്യക്ഷയായി. വൈസ് പ്രസിഡൻറ് അഡ്വ. ബിനോയ് കുര്യൻ, തളിപ്പറമ്പ് ബ്ലോക്ക് പഞ്ചായത്ത് പ്രസിഡൻറ് സിഎം കൃഷ്ണൻ എന്നിവർ മുഖ്യാതിഥികളായി.
പരിയാരം ഗ്രാമപഞ്ചായത്ത് പ്രസിഡൻറ് ടി ഷീബ, ബ്ലോക്ക് പഞ്ചായത്തംഗം ഇസി മല്ലിക, ഗ്രാമപഞ്ചായത്ത് വികസനകാര്യ സ്ഥിരം സമിതി അധ്യക്ഷ ടോണ വിൻസെൻറ്, വാർഡ് അംഗം ദൃശ്യ ദിനേശൻ, ജില്ലാ പഞ്ചായത്ത് സെക്രട്ടറി റ്റൈനി സൂസൻ ജോൺ, ഹയർസെക്കന്ററി ആർ.ഡി.ഡി ആർ.രാജേഷ് കുമാർ, വിദ്യാകിരണം കോ ഓർഡിനേറ്റർ കെ.സി സുധീർ, വിഎച്ച്എസ്ഇ എഡി എആർ ഉദയകുമാരി, ഡിഡിഇ ബാബു മഹേശ്വരി പ്രസാദ്, എസ്എസ്‌കെ ഡിപിസി ഇസി വിനോദ്, തളിപ്പറമ്പ് എഇഒ കെ മനോജ്, വിഎച്ച്എസ്ഇ പ്രിൻസിപ്പൽ കെ അനിൽ, പ്രധാനധ്യാപിക എകെ സബിത, പിടിഎ പ്രസിഡൻറ് വിവി ദിവാകരൻ, മദർ പിടിഎ പ്രസിഡൻറ് എവി ശ്രീകല, എസ്എംസി ചെയർമാൻ പി രഞ്ജിത്ത്, പിടിഎ വൈസ് പ്രസിഡൻറ് കെ മൂസ, സമഗ്രവിദ്യാഭ്യാസ പദ്ധതി കോ ഓർഡിനേറ്റർ ടി പ്രകാശൻ, കെകെ പ്തമനാഭൻ, വിവി രാജൻ, എവി രതീഷ്ബാബു, എൻകെഇ ചന്ദ്രശേഖരൻ നമ്പൂതിരി, എംഎ ഇബ്രാഹിം എന്നിവർ സംസാരിച്ചു.