കണ്ണൂരിലെ ഓട്ടോറിക്ഷ പാർക്കിംഗ് നമ്പർ പുനഃപരിശോധന ഡിസംബർ രണ്ട് മുതൽ -

കോർപ്പറേഷൻ പരിധിയിലെ ഓട്ടോറിക്ഷകളുടെ പാർക്കിംഗ് നമ്പർ പുനഃപരിശോധനയുമായി ബന്ധപ്പെട്ട് ഡിസംബർ രണ്ട് മുതൽ ആറ് വരെ വാഹനങ്ങളും, വാഹന രേഖകളും പരിശോധിക്കുമെന്ന് കണ്ണൂർ ആർടിഒ അറിയിച്ചു. തോട്ടട ഡ്രൈവിംഗ് ടെസ്റ്റ് ഗ്രൗണ്ടിൽ രാവിലെ പത്ത് മുതൽ ഉച്ച 12 വരെയാണ് പരിശോധന.കോർപറേഷൻ പരിധിയിൽ പാർക്കിംഗ് അനുവദിച്ച വാഹനങ്ങളുടെ ഉടമസ്ഥർ നിർദേശങ്ങൾ പാലിച്ച് നിർപേരിശോധനയ്ക്ക് ഹാജരാവണം. 2023 ഒന്നാംഘട്ടം മുതൽ പരിശോധന നടത്തിയ വാഹനങ്ങൾ വീണ്ടും വരേണ്ടതില്ല.ഡിസംബർ രണ്ടിന് പാർക്കിംഗ് നമ്പർ ഒന്ന് മുതൽ 1000 വരെയും, മൂന്നിന് 1001 മുതൽ 2000 വരെയും,അഞ്ചിന് 2001 മുതൽ 3000 വരെയും, ആറിന് 3000ന് മുകളിൽ എന്നീ ക്രമത്തിലാണ് വാഹനങ്ങൾ ഹാജരാക്കേണ്ടത്.