കണ്ണൂർ സർവ്വകലാശാല അറിയിപ്പ്/ സീറ്റ് ഒഴിവ്/ അഭിമുഖം/ അപേക്ഷ/ അഡ്മിഷൻ/ പരീക്ഷാഫലം/ ടൈംടേബിൾ -

അധ്യാപക നിയമനം : അപേക്ഷാ തീയതി നീട്ടി

കണ്ണൂർ സർവകലാശാല പഠന വകുപ്പുകളിലെ അധ്യാപക തസ്തികകളിലേക്കുള്ള നിയമനത്തിന് 19.10.2024 തീയതിയിലെ വിജ്ഞാപന പ്രകാരം ഓൺലൈൻ അപേക്ഷകൾ സമർപ്പിക്കേണ്ട അവസാന തീയതി ഡിസംബർ 15 വരെ നീട്ടി. അപേക്ഷയുടെ പ്രിന്റ് ഡിസംബർ 20 വൈകീട്ട് 5 മണിക്കകം സർവ്വകലാശാലയിൽ ലഭിക്കേണ്ടതാണ്. വിശദ വിവരങ്ങൾ സർവ്വകലാശാലാ വെബ്സൈറ്റിൽ ലഭ്യമാണ്. (www.kannuruniversity.ac.in)

പരീക്ഷ പുനക്രമീകരിച്ചു

നവംബർ 22 ലേക്ക് മാറ്റിവെച്ച മൂന്നാം സെമസ്റ്റർ ബിരുദ പരീക്ഷകൾ അന്നേദിവസം 2 മണി മുതൽ 5 മണി വരെ നടക്കുന്നതായിരിക്കും.

ഹാൾ ടിക്കറ്റ്

സർവ്വകലാശാല പഠനവകുപ്പുകളിലെ അഞ്ച് വർഷ ഇന്റഗ്രേറ്റഡ് ബിരുദാനന്തര ബിരുദ (എഫ്.വൈ.ഐ.എം.പി.) പ്രോഗ്രാമുകളുടെ ഒന്നാം സെമസ്റ്റർ (സി.ബി.സി.എസ്.എസ് – റെഗുലർ), നവംബർ 2024 പരീക്ഷയുടെ ഹാൾ ടിക്കറ്റ്, പഠനവകുപ്പുകൾക്ക് അവരുടെ കെ-റീപ് ലോഗിനിൽ നിന്നും വിദ്യാർത്ഥികൾക്ക് മൊബൈൽ ആപ്പിൽ നിന്നും (കണ്ണൂർ യൂണിവേഴ്സിറ്റി സ്റ്റുഡൻറ്) ലഭ്യമാകുന്നതാണ്.