‘മഴവില്ല്’: അഴീക്കോട് നിയോജകമണ്ഡലം സംഘടിപ്പിക്കുന്ന സ്കൂൾ ഫുട്ബോൾ ഫെസ്റ്റിന് തുടക്കമായി
‘മഴവില്ല്’ അഴീക്കോട് നിയോജകമണ്ഡലം സമഗ്ര വിദ്യാഭ്യാസ പദ്ധതിയുടെ ഭാഗമായി മണ്ഡലത്തിൽ സംഘടിപ്പിക്കുന്ന സ്കൂൾ ഫുട്ബോൾ ഫെസ്റ്റിന് തുടക്കമായി. പഞ്ചായത്ത് തല മത്സരങ്ങൾക്കാണ് തുടക്കമായത്. അഴീക്കോട് ഗ്രാമപഞ്ചായത്ത് തല മത്സരം മൂന്നുനിരത്ത് ഫുട്ബോൾ ടെറഫിൽ വെച്ച് ആരംഭിച്ചു. ബ്ലോക്ക് പഞ്ചായത്ത് പ്രസിഡണ്ട് ശ്രീമതി കെ സി ജിഷ ഉദ്ഘാടനം ചെയ്തു. പഞ്ചായത്ത് പ്രസിഡണ്ട് കെ. അജീഷ് അധ്യക്ഷത വഹിച്ചു. സ്റ്റാൻഡിങ് കമ്മിറ്റി ചെയർമാൻ അഷറഫ്, മെമ്പർമാരായ പി പ്രവീൺ എന്നിവർ ഉണ്ടായിരുന്നു.
എൽ.പി വിദ്യാർഥികൾ തമ്മിലുള്ള മത്സരവും യു.പി വിദ്യാർഥികൾ തമ്മിലുള്ള മത്സരവും ആണ് ആദ്യദിനം ആരംഭിച്ചത്. ആൺകുട്ടികളുടെ മത്സരത്തിനേക്കാൾ വീറും വാശിയും ഏറിയ മത്സരമായി പെൺകുട്ടികളുടെ മത്സരം മാറി. വരും ദിവസങ്ങളിൽ മറ്റു പഞ്ചായത്തുകളിലും മത്സരം ആരംഭിക്കും. നവംബർ 25 നു ശേഷം എം.എൽ.എ കപ്പിന് വേണ്ടിയുള്ള മണ്ഡലതല മത്സരം ആരംഭിക്കും.
About The Author
