കാർ ട്രക്കുമായി കൂട്ടിയിടിച്ചുണ്ടായ അപകടം; മൂന്ന് യുവതികൾ ഉൾപ്പെടെ ആറ് പേർ മരിച്ചു -

അമിതവേഗതയിൽ എത്തിയ കാർ ട്രക്കുമായി കൂട്ടിയിടിച്ചുണ്ടായ അപകടത്തിൽ മൂന്ന് യുവതികൾ ഉൾപ്പെടെ ആറ് പേർ മരിച്ചു, ഡെറാഡൂൺ സ്വദേശികളായ ഗുനീത് സിംഗ് ( 19), കാമാക്ഷി സിംഗൽ (20), നവ്യാ ഗോയൽ (23), റിഷബ് ജെയ്ൻ (24), അതുൽ അഗർവാൾ (24), ഹിമാചലിലെ ചമ്പ സ്വദേശിയായ ഖുണാൾ കുക്കുറേജ (23) എന്നിവരാണ് മരിച്ചത്.കാർ 100 കിലോമീറ്ററിലധികം വേഗതയിൽ ആയിരുന്നുെവന്നാണ് സൂചന. അപകടത്തിൽ ഒരാൾക്ക് പരിക്കേറ്റിട്ടുണ്ട്. കാറോടിച്ചിരുന്ന സിദ്ധേശ് അഗർവാൾ (25) എന്ന യുവാവിനാണ് അപകടത്തിൽ പരിക്കേറ്റത്. ഗുരുതര പരിക്കേറ്റ യുവാവ് ആശുപത്രിയിൽ ചികിത്സയിലാണ്. ഡെറാഡൂണിലെ ഒൻജിസി ചൗക്കിൽ വെച്ച് പുലർച്ചെ 1.30 ഓടെയായിരുന്നു അപകടം. മരിച്ചവരിൽ രണ്ട് പേർ സ്വകാര്യ സർവകലാശാലയിലെ വിദ്യാർത്ഥികളാണ്. മറ്റുള്ളവർ ഡെറാഡൂണിലെ വ്യാപാര കുടുംബങ്ങളിൽ നിന്നുള്ളവരുമാണ്.