പഴയങ്ങാടിയിൽ കാർ തടഞ്ഞു നിർത്തി അക്രമം; രണ്ടു പേർക്കെതിരെ കേസ് -

കാർ യാത്രക്കാരെ തടഞ്ഞു നിർത്തി ആക്രമിക്കുകയും കാർ തകർക്കുകയും ചെയ്തുവെന്ന പരാതിയിൽ രണ്ടു പേർക്കെതിരെ പോലീസ് കേസെടുത്തു. കണ്ണൂർ ആദികടലായിയിലെ ചൈതന്യത്തിൽ അമൽ മനോജിൻ്റെ പരാതിയിലാണ് മാട്ടൂൽ സ്വദേശി ആഷിഖ്,
അസ്കർ എന്നിവർക്കെതിരെ കേസെടുത്തത്.ഇക്കഴിഞ്ഞ 25 ന് വൈകുന്നേരം 4.30 മണിക്ക് മാട്ടൂൽ കെ.വി.കോംപ്ലക്‌സിനടുത്ത് വെച്ചായിരുന്നു സംഭവം.മാട്ടൂലിലെ പെറ്റ് സ്റ്റേഷൻ സന്ദർശിക്കാൻ പോകുകയായിരുന്ന പരാതിക്കാരനേയും സുഹൃത്തുക്കളായ റിൻസി, റിസാൻ, ദേവിക, സായൂഷ് എന്നിവരെ മർദ്ദിക്കുകയും കല്ലുകൊണ്ട് കാറിൻ്റെ ചില്ല് തകർത്ത് 25000 രൂപയുടെ നഷ്ടമുണ്ടാക്കുകയും ചെയ്തു.പരാതിക്കാരൻ്റെ സുഹൃത്തുമായി പാമ്പേഴ്സ് കളയുന്നതുമായുള്ള വാക്തർക്കമാണ് സംഭവത്തിന് കാരണമെന്ന് പോലീസിൽനൽകിയ പരാതിയിൽ പറയുന്നു.കേസെടുത്ത പോലീസ് അന്വേഷണം തുടങ്ങി.