തലശ്ശേരി-മാഹി ബൈപ്പാസില്‍ മകള്‍ ഓടിച്ച സ്കൂട്ടർ ഡിവൈഡറിലിടിച്ച്‌ മാതാവ് മരിച്ചു
തലശ്ശേരി-മാഹി ബൈപ്പാസില്‍ മകള്‍ ഓടിച്ച സ്കൂട്ടർ ഡിവൈഡറിലിടിച്ച്‌ മാതാവ് മരിച്ചു. മാടപ്പീടിക രാജു മാസ്റ്റർ റോഡിന് സമീപം നടന്ന അപകടത്തില്‍ ധർമടം മീത്തലെപീടിക പുളിക്കൂലില്‍ ചന്ദ്രങ്കണ്ടി ഹൗസില്‍ പാലത്തില്‍ റുഖിയയാണ് മരിച്ചത്.വെള്ളിയാഴ്ച വൈകിട്ട് മൂന്നിന് റുഖിയയും മകള്‍ ആരിഫയും സഞ്ചരിച്ച സ്കൂട്ടറാണ് ഇടിച്ചത്. തലശ്ശേരിയില്‍നിന്ന് അഴിയൂർ ഭാഗത്തേക്ക് പോകുകയായിരുന്നു ഇരുവരും. പരിക്കേറ്റ റുഖിയയെ പള്ളൂർ ഗവ. ആശുപത്രിയിലും തുടർന്ന് തലശ്ശേരിയിലെ ആശുപത്രിയിലും എത്തിച്ചെങ്കിലും രക്ഷിക്കാനായില്ല.
About The Author
