സിപിഐഎം മയ്യിൽ ഏരിയ സമ്മേളനത്തിന്റെ ഭാഗമായി മയിൽ ലോക്കൽ കമ്മിറ്റി ക്രിക്കറ്റ് ടൂർണമെന്റ്
സിപിഐഎം മയ്യിൽ ഏരിയ സമ്മേളനത്തിന്റെ ഭാഗമായി മയിൽ ലോക്കൽ കമ്മിറ്റി ക്രിക്കറ്റ് ടൂർണമെന്റ് നടത്തുന്നു. ഞായറാഴ്ച മയ്യിൽ ഗവൺമെന്റ് ഹയർ സെക്കൻഡറി സ്കൂൾ ഗ്രൗണ്ടിലാണ് മത്സരം നടക്കുക. കുഞ്ഞിരാമൻ സ്മാരക വിന്നേഴ്സ് ട്രോഫിക്കും പി കുഞ്ഞാതി അമ്മ സ്മാരക റണ്ണേഴ്സ് ട്രോഫിക്കും വേണ്ടിയുള്ളതാണ് ടൂർണമെന്റ്. മത്സരത്തിൽ ഏരിയയിലെ 12 ടീമുകൾ മത്സരിക്കും .മത്സരം രാവിലെ എട്ടിന് കേരള ക്രിക്കറ്റ് താരം ഡിജു ദാസ് ഉദ്ഘാടനം ചെയ്യും. വിജയികൾക്ക് സിപിഐഎം മയ്യിൽ ഏരിയ സെക്രട്ടറി എൻ അനിൽകുമാർ സമ്മാനദാനം നടത്തും . വാർത്ത സമ്മേളനത്തിൽ ഏരിയ കമ്മിറ്റി അംഗം എൻ കെ രാജൻ , ലോക്കൽ സെക്രട്ടറി ഡോക്ടർ രാജഗോപാലൻ ,സംഘാടക സമിതി ജനറൽ കൺവീനർ ബാബു പെണ്ണേറി, ചെയർമാൻ ഇഎം സുരേഷ് ബാബു , ടി പി ഷൈജു എന്നിവർ പങ്കെടുത്തു.
About The Author
