എന്‍ട്രന്‍സ് പരിശീലന കേന്ദ്രത്തിലെ കത്തിക്കുത്ത്; പൊലീസ് കേസ് എടുത്തു
മലപ്പുറത്ത് എന്‍ട്രന്‍സ് പരിശീലന കേന്ദ്രത്തില്‍ ഉണ്ടായ കത്തിക്കുത്തിന്റെ സിസിടിവി ദൃശ്യം പുറത്തുവന്നു. പതിനാറുകാരനായ വിദ്യാര്‍ത്ഥി മറ്റൊരു വിദ്യാര്‍ത്ഥിയെ പഠനമുറിയില്‍ വെച്ച് കത്തികൊണ്ട് കുത്തുന്ന സിസിടിവി ദൃശ്യമാണ് പുറത്ത് വന്നത്. ഞായറാഴ്ചയായിരുന്നു സംഭവം നടന്നത്.സ്റ്റഡി ഹാളില്‍ പഠിക്കുകയായിരുന്ന വിദ്യാര്‍ത്ഥിയെ പിറകില്‍ നിന്ന് വന്ന് വിദ്യാര്‍ത്ഥി ചുറ്റിപ്പിടിച്ചു തുടര്‍ച്ചയായി കുത്തുകയായിരുന്നു. പുറം ഭാഗത്തും വയറിന് സൈഡിനുമായാണ് പരുക്കേറ്റത്. സ്ഥാപനത്തിലെ ജീവനക്കാരും മറ്റു വിദ്യാര്‍ത്ഥികളും ഓടിയെത്തിയാണ് പരിക്കേറ്റ വിദ്യാര്‍ത്ഥിയെ രക്ഷപ്പെടുത്തിയത്. ഉടനെ പെരിന്തല്‍മണ്ണയിലെ ആശുപത്രിയിലെത്തിച്ചു. സംഭവത്തില്‍ മലപ്പുറം പൊലീസ് കേസ് എടുത്തിട്ടുണ്ട്. മനപ്പൂര്‍വം കൊലപ്പെടുത്താനുള്ള ഉദ്ദേശ്യത്തോടെയുള്ള അക്രമമെന്ന പേരിലാണ് കെസെടുത്തത്.
About The Author
