മാറുന്ന ലോകത്തോടൊപ്പം മാറ്റത്തിന് നാം തയ്യാറാകണം: മേയർ -

ലോകം വിവരസാങ്കേതിക വിദ്യയിൽ അതിവേഗത്തിൽ മുന്നേറുമ്പോൾ അതോടൊപ്പം സഞ്ചരിക്കാൻ നമ്മുക്ക് കഴിയണമെന്നും ലോകത്തോടൊപ്പം മാറാൻ നാം തയാറാകണമെന്നും മേയർ മുസ്ലിഹ് മഠത്തിൽ പറഞ്ഞു.

കേരളം സമ്പൂർണ്ണ ഡിജിറ്റൽ സാക്ഷരത നേടിയ സംസ്ഥാനമായി പ്രഖ്യാപിക്കുന്നതിൻ്റെ ഭാഗമായി കോർപ്പറേഷനിൽ നിന്നുള്ള പഠിതാക്കൾക്കായി സംഘടിപ്പിച്ച ഡിജി കേരളം മെഗാ പരിശീലന ക്യാമ്പ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കോർപ്പറേഷൻ്റെ വിവിധ വാർഡുകളിൽ നിന്നും നൂറിലധികം പഠിതാക്കൾ ക്യാമ്പിൽ പങ്കെടുത്തു. ഡെപ്യൂട്ടി മേയർ പി ഇന്ദിര അദ്ധ്യക്ഷത വഹിച്ച ചടങ്ങിൽ സ്ഥിരം സമിതി അദ്ധ്യക്ഷൻമാരായ വി.കെ ശ്രീലത, സിയാദ് തങ്ങൾ , ഷാഹിന മൊയ്തീൻ , കൗൺസിലർ ടി. രവീന്ദ്രൻ കോർപ്പറേഷൻ സെക്രട്ടറി ടി.ജി അജേഷ് എന്നിവർ സംസാരിച്ചു. കോർപ്പറേഷൻ വുമൺ എംപവർമെൻ്റ് ഓഫീസർ രജിത.കെ പദ്ധതി വിശദീകരണം നടത്തി.