കണ്ണൂർ സർവ്വകലാശാല അറിയിപ്പ്/ സീറ്റ് ഒഴിവ്/ അഭിമുഖം/ അപേക്ഷ/ അഡ്മിഷൻ/ പരീക്ഷാഫലം/ ടൈംടേബിൾ -

പരീക്ഷാ ഫലം

കണ്ണൂർ സർവ്വകലാശാലയുടെ സ്‌കൂൾ ഓഫ് പെഡഗോജിക്കൽ സയൻസിലെ നാലാം സെമസ്റ്റർ എം.എഡ്. ഡിഗ്രി (സി.ബി.സി.എസ്.എസ് – റെഗുലർ), മെയ് 2024 പരീക്ഷയുടെ ഫലം വെബ്‌സൈറ്റിൽ ലഭ്യമാണ്. ഉത്തരക്കടലാസുകളുടെ പുനഃപരിശോധന/ സൂഷ്മപരിശോധന/ ഫോട്ടോകോപ്പി എന്നിവയ്ക്ക് നവംബർ അഞ്ച് വൈകുന്നേരം 5 മണി വരെ അപേക്ഷിക്കാം.

ബി.എഡ്‌. പ്രവേശനം

2024-25 അദ്ധ്യയന വർഷത്തിൽ മാനന്തവാടി, ധർമ്മശാല ബി.എഡ്. സെന്ററുകളിൽ ആരംഭിച്ച പുതിയ യൂണിറ്റ് ബി.എഡ്‌. പ്രോഗ്രാമുകളിലേക്ക് പ്രവേശനത്തിനായുള്ള റാങ്ക് ലിസ്റ്റ് പ്രസിദ്ധീകരിച്ചു. റാങ്ക് ലിസ്റ്റ് admission.kannuruniversity.ac.in എന്ന വെബ്‌സൈറ്റിൽ ലഭ്യമാണ്. പ്രവേശനം 25.10.2024ന് അതാത് ബി.എഡ്. സെന്ററുകളിൽ വച്ച് നടത്തുന്നതായിരിക്കും. പ്രവേശനത്തിന് അർഹരായ വിദ്യാർത്ഥികളെ ബി.എഡ്. സെന്റർ അധികാരികൾ, അപേക്ഷയിൽ നൽകിയിട്ടുള്ള ഇമെയിൽ വിലാസം/ ഫോൺ നമ്പറിൽ ബന്ധപ്പെടുന്നതാണ്. അർഹരായവർ പ്രോസ്‌പെക്ട്‌സിൽ പറഞ്ഞിരിക്കുന്ന രേഖകൾ സഹിതം അതാത് ബി.എഡ്. സെന്ററുകളിൽ ഹാജരാകേണ്ടതാണ്. ഒന്നാം സെമസ്റ്റർ ബി.എഡ്. ക്ലാസുകൾ 28.10.2024 മുതൽ ആരംഭിക്കുന്നതായിരിക്കും. ഹെല്പ് ലൈൻ നമ്പർ:0497 2715261, 0497 2715284.