ഇ-ചലാൻ അദാലത്ത്; പൊതുജനങ്ങള്‍ക്ക് നേരിട്ട് എത്തി പിഴ ഒടുക്കാം
പൊലിസ് – മോട്ടോർ വാഹന വകുപ്പുകള്‍ സംയുക്തമായി ഇ-ചലാൻ മുഖേന നല്‍കിയ പിഴ യഥാസമയം അടയ്ക്കാൻ സാധിക്കാത്തവർക്കായി ഈ മാസം 26,27,28 തീയ്യതികളില്‍ ഇ-ചലാൻ അദാലത്ത് നടത്തുന്നു.കണ്ണൂർ ആർ.ടി.ഒ ഓഫീസില്‍ വെച്ച്‌ 2024 സെപ്റ്റംബർ 26,27,28 തീയ്യതികളില്‍ സംഘടിപ്പിക്കുന്നഅദാലത്തില്‍ രാവിലെ 10. മുതല്‍മുതല്‍ വൈകുന്നേരം അഞ്ചുമണി വരെ പൊതുജനങ്ങള്‍ക്ക് നേരിട്ട് എത്തി പ്രത്യേകം സജ്ജീകരിച്ചിരിക്കുന്ന കൗണ്ടറുകളില്‍ അപേക്ഷ നല്‍കി പിഴ ഒടുക്കാം.
വിവിധ ഗതാഗത നിയമലംഘനങ്ങള്‍ക്ക് പൊലിസ് വകുപ്പും മോട്ടോർ വാഹന വകുപ്പും ഇ-ചലാൻ മുഖേന നല്‍കിയിട്ടുള്ള പിഴകളില്‍ യഥാസമയം അടയ്ക്കാൻ സാധിക്കാത്തതും നിലവില്‍ കോടതി മുൻപാകെ അയക്കപ്പെട്ടിട്ടുള്ളവയുമായ ചലാനുകളില്‍ പ്രോസിക്യൂഷൻ നടപടികള്‍ക്ക് ശുപാർശ ചെയ്‌തിട്ടുള്ളവ ഒഴികെയുള്ള ചലാനുകളുടെ പിഴയൊടുക്കി തുടർ നടപടികളില്‍ നിന്നും ഒഴിവാകാം.
About The Author
