കൊച്ചിയിലെ ബാറിൽ വെടിവയ്പ്പ്; രണ്ട് ജീവനക്കാർക്ക് പരിക്ക്
കൊച്ചിയിൽ കത്രിക്കടവ് ഇടശ്ശേരി ബാറിന് മുന്നിൽ വെടിവയ്പ്പ്. ഞായറാഴ്ച രാത്രി 11.30 ഓടെയാണ് സംഭവം. എയർ പിസ്റ്റൾ ഉപയോഗിച്ചാണ് വെടിയുതിർത്തത്. സംഭവത്തിൽ രണ്ട് ബാർ ജീവനക്കാർക്ക് പരിക്കേറ്റു. ജീവനക്കാരിൽ ഒരാളുടെ വയറ്റിൽ ബുള്ളറ്റുകൾ തറച്ച് കയറി. മറ്റൊരാളുടെ കാലിലാണ് പരിക്ക്. മദ്യം നൽകുന്നത് സംബന്ധിച്ച തർക്കമാണ് വെടിവയ്പ്പിന് കാരണമായതെന്നാണ് പ്രാഥമിക നിഗമനം.
സംഭവത്തിൽ എറണാകുളം നോർത്ത് പോലീസ് കേസെടുത്ത് അന്വേഷണം ആരംഭിച്ചു. ആക്രമണത്തിനുശേഷം കാറിൽ രക്ഷപ്പെട്ട പ്രതികൾക്കയി തിരച്ചിൽ ഊർജിതമാക്കിയതായി പോലീസ് അറിയിച്ചു.