36 പേര്‍ കൂടി എച്ച്.ഐ.വി. പോസിറ്റീവ്; ലഖ്‌നൗ ജയിലിലെ വൈറസ് ബാധിതരുടെ എണ്ണം 63 ആയി

ജയില്‍ വളപ്പിന് പുറത്ത് ലഹരി മരുന്നിനായി ഉപയോഗിച്ച സിറഞ്ചുകളാണ് ഇത്തരത്തില്‍ രോഗവ്യാപനത്തിന് ഇടയാക്കിയതെന്നാണ് അധികൃതർ നൽകുന്ന വിശദീകരണം. ജയിലിൽ എത്തിയ ശേഷം ഒരു തടവുകാരനും എച്ച്ഐവി ബാധിച്ചിട്ടില്ലെന്നാണ് ജയിൽ അധികൃതരുടെ വാദം.

എല്ലാ എച്ച്ഐവി പോസിറ്റീവ് തടവുകാരും ഇപ്പോൾ ലഖ്‌നൗവിലെ ആശുപത്രിയിൽ ചികിത്സയിലാണ്. രോഗബാധിതരായ തടവുകാരുടെ ആരോഗ്യനില സൂക്ഷ്മമായി നിരീക്ഷിക്കുന്നുണ്ട്. കഴിഞ്ഞ അഞ്ച് വർഷത്തിനിടയിൽ എച്ച്ഐവി അണുബാധ മൂലം ഒരു മരണവും ഉണ്ടായിട്ടില്ലെന്നും ഭരണകൂടം പറയുന്നു.