കണ്ണൂർ സർവ്വകലാശാല അറിയിപ്പ്/ സീറ്റ് ഒഴിവ്/ അഭിമുഖം/ അപേക്ഷ/ അഡ്മിഷൻ/ പരീക്ഷാഫലം/ ടൈംടേബിൾ -

ഇംഗ്ലീഷ് ഫോർ പ്രാക്ടിക്കൽ പർപ്പസസ്’ : സർട്ടിഫിക്കറ്റ് കോഴ്‌സ് ഉദ്ഘാടനം ചെയ്തു.

സർവകലാശാല ഇംഗ്ലീഷ് പഠന വകുപ്പും സ്കൂൾ ഓഫ് ലൈഫ് ലോംഗ് ലേണിംഗും സംയുക്തമായി നടത്തുന്ന സർട്ടിഫിക്കറ്റ് കോഴ്‌സ് – ‘ഇംഗ്ലീഷ് ഫോർ പ്രാക്ടിക്കൽ പർപ്പസസ്’- വൈസ് ചാൻസലർ പ്രൊഫ. കെ. കെ. സാജു ഉദ്ഘാടനം ചെയ്തു. താവക്കര കാമ്പസിലെ സ്റ്റുഡന്റസ് അമിനിറ്റി സെന്ററിൽ നടന്ന ചടങ്ങിൽ സിൻഡിക്കേറ്റ് സ്റ്റാൻഡിംഗ് കമ്മിറ്റി കൺവീനർ (സ്‌കൂൾ ഓഫ് ലൈഫ് ലോംഗ് ലേർണിംഗ്) ഡോ. കെ. ജോസഫ് തോമസ് അധ്യക്ഷത വഹിച്ചു. ഏതു ഭാഷയും സംസാരിച്ചു മാത്രമേ പഠിക്കാനാവൂ. അതിനു ഉതകുന്ന സാഹചര്യമാണ് പഠിതാക്കൾക്ക് സർവകലാശാല ഒരുക്കുന്നതെന്ന് കോഴ്സ് ഉൽഘാടനം ചെയ്ത് വൈസ് ചാൻസലർ പറഞ്ഞു. ഇംഗ്ലീഷ് ഭാഷയിലെ ആശയവിനിമയ കഴിവുകൾ വർദ്ധിപ്പിക്കുന്നതിലൂടെ ജോലിക്കായുള്ള അഭിമുഖങ്ങളിലും അവതരണങ്ങളിലും മികവ് പുലർത്തുന്നതിനുള്ള ആത്മവിശ്വാസം വളർത്തുക, അക്കാദമിക് ചർച്ചകളിലും പ്രൊഫഷണൽ കോൺഫറൻസുകളിലും ആത്മവിശ്വാസത്തോടെ പങ്കെടുക്കാനുള്ള കഴിവുണ്ടാക്കുക എന്നിവ ലക്ഷ്യമിടുന്ന ഈ കോഴ്സ്, ഭാഷാപരമായ കഴിവുകൾ വികസിപ്പിക്കാനും ജോലിയിലും അക്കാദമിക് പ്രവർത്തനങ്ങളിലും മുന്നേറാനും ആഗ്രഹിക്കുന്ന ഏതൊരാൾക്കും പ്രയോജനപ്പെടുന്നതാണ്. രജിസ്ട്രാർ പ്രൊഫ.ജോബി കെ. ജോസ്, സിണ്ടിക്കേറ്റ് അംഗം പ്രൊഫ.അനിൽ രാമചന്ദ്രൻ, ഡോ.കുഞ്ഞഹമ്മദ് കെ.കെ (പ്രൊഫസർ & ഡീൻ) ഡോ. സോണി അഗസ്റ്റിൻ എന്നിവർ സംസാരിച്ചു.

പരീക്ഷാ വിജ്ഞാപനം

ആറാം സെമെസ്റ്റർ ബി.എ.എൽ.എൽ.ബി (റഗുലർ/സപ്ലിമെന്ററി) മെയ് 2025 പരീക്ഷകൾക്ക് പിഴയില്ലാതെ 11.02.2025 മുതൽ 14.02.2025 വരെയും പിഴയോടുകൂടി 17.02.2025 വരെയും അപേക്ഷിക്കാം.

പത്താം സെമെസ്റ്റർ ബി.എ.എൽ.എൽ.ബി (റഗുലർ/സപ്ലിമെന്ററി) മെയ് 2025 പരീക്ഷകൾക്ക് പിഴയില്ലാതെ 13.02.2025 മുതൽ 17.02.2025 വരെയും പിഴയോടു കൂടി 19.02.2025 വരെയും അപേക്ഷിക്കാം.

ആറാം സെമസ്റ്റർ ഇന്റഗ്രേറ്റഡ് എം.എസ്.സി ഇൻ കമ്പ്യൂട്ടർ സയൻസ് വിത്ത് സ്പെഷ്യലൈസേഷൻ ഇൻ ആർട്ടിഫിഷ്യൽ ഇന്റലിജൻസ് ആൻഡ് മെഷീൻ ലേർണിംഗ് (റെഗുലർ / സപ്ലിമെന്ററി/ഇംപ്രൂവ്മെന്റ്) ഏപ്രിൽ 2025 പരീക്ഷകൾക്ക് പിഴയില്ലാതെ 18.02.2025 മുതൽ 21.02.2025 വരെയും പിഴയോടുകൂടി 22.02.2025 വരെയും അപേക്ഷിക്കാം.

പരീക്ഷാ വിജ്ഞാപനങ്ങൾ സർവകലാശാല വെബ്സൈറ്റിൽ ലഭ്യമാണ്.

പരീക്ഷ ടൈംടേബിൾ

കണ്ണൂർ സർവ്വകലാശാല പഠന വകുപ്പിലെ മൂന്നാം സെമസ്റ്റർ എം.എഡ് (സി.ബി.സി.എസ്.എസ് – റെഗുലർ/സപ്ലിമെന്‍ററി), നവംബർ 2024 പരീക്ഷയുടെ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.