വിവിധ മേഖലകളില്‍ അറിയിപ്പ്/ സീറ്റ് ഒഴിവ്/ അഭിമുഖം/ അപേക്ഷ/ നിയമനം/ ലേലം/ ക്വട്ടേഷന്‍

അതിഥി തൊഴിലാളികൾക്കായി ‘അതിഥി ആപ്പ്’

കേരളത്തിൽ ജോലി ചെയ്യുന്ന അതിഥി തൊഴിലാളികളുടെ ക്ഷേമത്തിനായും ഇൻഷുറൻസ് പരിരക്ഷയും മറ്റ് ആനുകൂല്യങ്ങളും ഉറപ്പ് വരുത്തുന്നതിനുമായി കേരള സർക്കാർ അതിഥി ആപ്പ് ആരംഭിച്ചു. ജില്ലയിൽ അതിഥി തൊഴിലാളികളെ ജോലി ചെയ്യിക്കുന്ന തൊഴിലുടമകളും കരാറുകാരും താമസിപ്പിക്കുന്ന കെട്ടിട ഉടമകളും അതിഥി തൊഴിലാളികളെ ഈ ആപ്പിൽ രജിസ്റ്റർ ചെയ്യാൻ നടപടി സ്വീകരിക്കണമെന്ന് ജില്ലാ ലേബർ ഓഫീസർ എൻഫോഴ്സ്മെന്റ് അറിയിച്ചു. ഗൂഗിൾ പ്ലേ സ്റ്റോറിൽ നിന്ന് ആപ്പ് ഡൗൺലോഡ് ചെയ്ത് രജിസ്ട്രേഷൻ ചെയ്യാം. ഇതലനഎ സഹായം ആവശ്യമുള്ള പക്ഷം അസി. ലേബർ ഓഫീസുകളുമായോ ജില്ലാ ലേബർ ഓഫീസുമായോ ബന്ധപ്പെടാം. നമ്പർ-
ജില്ലാ ലേബർ ഓഫീസ്, കണ്ണൂർ: 0497 2700353, അസി.ലേബർ ഓഫീസ്, കണ്ണൂർ ഒന്നാം സർക്കിൾ: 0497 2713656, അസി. ലേബർ ഓഫീസ്, കണ്ണൂർ രണ്ടാം സർക്കിൾ: 0497 2708035, അസി. ലേബർ ഓഫീസ്, തലശ്ശേരി ഒന്നാം സർക്കിൾ: 0490 2324180, അസി. ലേബർ ഓഫീസ്, കൂത്തുപറമ്പ്: 0490 2363639, അസി. ലേബർ ഓഫീസ്, ഇരിട്ടി: 0490 2494294, അസി. ലേബർ ഓഫീസ്, തളിപ്പറമ്പ്: 0460 2200440, അസി. ലേബർ ഓഫീസ്, പയ്യന്നൂർ: 04985 205995

ജില്ലാ കേരളോത്സവം: സംഘാടക സമിതി രൂപീകരണ യോഗം ഏഴിന്

സംസ്ഥാന യുവജനക്ഷേമ ബോർഡ്, ജില്ലാ പഞ്ചായത്ത് എന്നിവ ചേർന്ന് ജില്ലാ കേരളോത്സവം അഴീക്കോട് ഗ്രാമപഞ്ചായത്തിൽ നടത്തുന്നതിന്റെ ഭാഗമായുള്ള സംഘാടക സമിതി രൂപീകരണ യോഗം ഡിസംബർ ഏഴിന് ഉച്ച രണ്ട് മണിക്ക് അഴീക്കോട് ഗവ. ഹയർ സെക്കൻഡറി സ്‌കൂൾ വൻകുളത്ത്‌വയലിൽ ചേരും.

മിനി ദിശ ഉന്നത വിദ്യാഭ്യാസ പ്രദർശനം ആറ്, ഏഴ് തീയ്യതികളിൽ

പൊതുവിദ്യാഭ്യാസ വകുപ്പ് ഹയർ സെക്കൻഡറി വിഭാഗം കരിയർ ഗൈഡൻസ് ആൻഡ് അഡോളസെൻറ് കൗൺസലിംഗ് സെല്ലുമായി ചേർന്ന് സംഘടിപ്പിക്കുന്ന കണ്ണൂർ വിദ്യാഭ്യാസ ജില്ലാതല മിനി ദിശ ഉന്നത വിദ്യാഭ്യാസ പ്രദർശനം ഡിസംബർ ആറ്, ഏഴ് തീയ്യതികളിൽ കണ്ണൂർ ടൗൺ ഹയർ സെക്കൻഡറി സ്‌കൂളിൽ നടക്കും. ആറിന് രജിസ്‌ട്രേഷൻ, പുരാവസ്തു വകുപ്പ് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്യും. വിദ്യാഭ്യാസ സ്ഥാപനങ്ങളുടെ സ്റ്റാളുകൾ, സെമിനാറുകൾ, അഭിരുചി പരീക്ഷ, കരിയർ കൗൺസലിംഗ് എന്നിവ ഉണ്ടാവും.

സൈക്യാട്രിസ്റ്റ്: വാക് ഇൻ ഇന്റർവ്യൂ

ജില്ലാ ആശുപത്രിയുടെ കീഴിലെ ജില്ലാ മാനസികാരോഗ്യ പദ്ധതിയിലേക്കുള്ള സൈക്യാട്രിസ്റ്റ് തസ്തികയിലേക്ക് വാക് ഇൻ ഇന്റർവ്യൂ ഡിസംബർ 16ന് രാവിലെ 10ന് സൂപ്രണ്ടിന്റെ ചേംബറിൽ നടക്കും. യോഗ്യത: എംഡി/ഡിഎൻബി/ഡിപിഎം. ശമ്പളം: 57,525 (ഒരുവർഷം). ഫോൺ : 0497 2734343

മിഷൻ വാത്സല്യ: അപേക്ഷ ക്ഷണിച്ചു

മിഷൻ വാത്സല്യ പദ്ധതിയുടെ ഭാഗമായി വനിത ശിശു വികസന വകുപ്പിന്റെ ജില്ലാ ശിശു സംരക്ഷണ യൂനിറ്റിന് കീഴിൽ നടപ്പിലാക്കുന്ന ചൈൽഡ് ഹെൽപ് ലൈനിന്റെ ജില്ലാതല കൺട്രോൾ റൂമിലേക്ക് ചൈൽഡ് ഹെൽപ്പ്ലൈൻ സൂപ്പർവൈസർ, കേസ് വർക്കർ എന്നീ തസ്തികകളിൽ കരാർ നിയമനം നടത്തുന്നതിന് അപേക്ഷ ക്ഷണിച്ചു. അവസാന തീയതി ഡിസംബർ 17. വെബ് സൈറ്റ് https://wcd.kerala.gov.in/ ഫോൺ: 0490 2967199.

റാങ്ക് പട്ടിക റദ്ദാക്കി

കണ്ണൂർ ജില്ലയിൽ ആരോഗ്യ വകുപ്പിൽ ജൂനിയർ പബ്ലിക് ഹെൽസ് നഴ്സ് ഗ്രേഡ് ടു ഫസ്റ്റ് എൻസിഎ -മുസ്ലിം (കാറ്റഗറി നമ്പർ:613/2023) തസ്തികയുടെ തെരഞ്ഞെടുപ്പിനായി 2024 ആഗസ്റ്റ് 13ന് പ്രസിദ്ധീകരിച്ച 896/2024/എസ്എസ്വി നമ്പർ റാങ്ക് പട്ടിക മുഴുവൻ ഉദ്യോഗാർഥികളെയും നിയമന ശിപാർശ ചെയ്തതിനാൽ റദ്ദായതായി കെപിഎസ്‌സി ജില്ല ഓഫീസർ അറിയിച്ചു.

ഹൈസ്‌കൂൾതല വായനാമത്സരം അഞ്ചിന്

സംസ്ഥാന ലൈബ്രറി കൗൺസിൽ ഹൈസ്‌കൂൾ വിദ്യാർഥികൾക്കായി സംഘടിപ്പിക്കുന്ന അഖില കേരള വായനോത്സവത്തിന്റെ ഹൈസ്‌കൂൾതല മത്സരം ഡിസംബർ അഞ്ചിന് രണ്ട് മുതൽ നാല് വരെ നടക്കും. സംസ്ഥാന കൗൺസിൽ നിർദേശിച്ച പുസ്തകങ്ങളെ അടിസ്ഥാനമാക്കി എഴുത്തുപരീക്ഷയും പൊതുവിജ്ഞാന ക്വിസ് മത്സരവുമാണ് നടക്കുക. ഇതിലെ ആദ്യ മൂന്ന് സ്ഥാനക്കാർക്ക് ഡിസംബർ 29ന് നടക്കുന്ന താലൂക്ക്തല മത്സരത്തിൽ പങ്കെടുക്കാം. മുതിർന്നവർക്കുള്ള ഗ്രന്ഥശാലാതല മത്സരം എട്ടിന് നടക്കും.

ഹെൽപ് ഡെസ്‌ക് സിറ്റിംഗ്

ഇൻസ്റ്റിറ്റ്യൂട്ട് ഓഫ് ചാർട്ടേഡ് അക്കൗണ്ട്സ് ഓഫ് ഇന്ത്യയും (ഐസിഎഐ) ജില്ലാ വ്യവസായ കേന്ദ്രവും ചേർന്നുള്ള ഹെൽപ്പ് ഡെസ്‌കിന്റെ സിറ്റിംഗ് ഡിസംബർ ഏഴിന് രാവിലെ 11 മുതൽ 12 വരെ കണ്ണൂർ പള്ളിക്കുന്ന് ഐസിഎഐ ഭവനിൽ നടക്കും. സംരംഭകർക്ക് മാർഗനിർദേശങ്ങൾ, നികുതി, ജിഎസ്ടി, ഫിനാൻസ്, ഓഡിറ്റ് എന്നിവ സംബന്ധിച്ച് സംശയ നിവാരണം എന്നിവ ചെയ്യാം. ഫോൺ: 04972700928, 9645424372

ലോക മണ്ണ് ദിനാഘോഷം അഞ്ചിന്

മണ്ണ് പര്യവേഷണ, മണ്ണ് സംരക്ഷണ വകുപ്പിന്റെ നേതൃത്വത്തിൽ ഡിസംബർ അഞ്ച് ലോക മണ്ണ് ദിനാഘോഷത്തിന്റെ ജില്ലാതല ഉദ്ഘാടനം ഡിസംബർ അഞ്ചിന് രാവിലെ 10ന് പിണറായി ഗ്രാമപഞ്ചായത്ത് ഹാളിൽ പ്രസിഡന്റ് കെ കെ രാജീവൻ നിർവഹിക്കും. വൈസ് പ്രസിഡന്റ് എൻ അനിത അധ്യക്ഷയാവും. സോയിൽ ഹെൽത്ത് കാർഡ് വിതരണം, വിദ്യാർഥികൾക്ക് സമ്മാന വിതരണം, കാർഷിക സെമിനാർ, പച്ചക്കറി വിത്ത വിതരണം എന്നിവയും ഉണ്ടാകും. മണ്ണിനെ അറിയാം മൊബൈലിലൂടെ ആപ്പ് പരിചയപ്പെടുത്തും.

ആർബിട്രേഷൻ കേസ് വിചാരണ

ഡിസംബർ മാസം നാഷണൽ ഹൈവേ എൽഎ-എൻഎച്ച് ആർബിട്രേഷൻ കേസുകളുടെ വിചാരണ ഉണ്ടായിരിക്കില്ലെന്ന് ആർബിട്രേറ്റർ അറിയിച്ചു. അടുത്ത തീയതി പിന്നീട് അറിയിക്കും.