തെരഞ്ഞെടുപ്പിൽ അടിയൊഴുക്ക് ധാരാളമായി ഉണ്ടായി; സി.കൃഷ്ണകുമാർ -

രാഹുലിനെ പരാജയപ്പെടുത്താൻ യുഡിഎഫ് പ്രവർത്തകർ തന്നെ ശ്രമിച്ചെന്നും, അത്തരത്തിലുള്ളവരുടെ വോട്ടുകൾ ബിജെപിക്ക് ലഭിച്ചെന്നും പാലക്കാട് എൻഡിഎ സ്ഥാനാർഥി സി കൃഷ്ണകുമാർ. അടിയൊഴുക്ക് ധാരാളമായി ഉണ്ടായെന്നും രാഹുലിന്റെ പല പരാമർശങ്ങളും യുഡിഎഫ് അനുഭാവികളിൽ വലിയ നിരാശ ഉണ്ടാക്കിയിട്ടുണ്ടെന്നും കൃഷ്ണകുമാർ പറഞ്ഞു.
സന്ദീപ് വാര്യരുടെ കൊഴിഞ്ഞുപോക്ക് ഒരുതരത്തിലും പാർട്ടിയെ ബാധിക്കില്ല.സന്ദീപിന്റെ പഴയ പല വാട്സ്ആപ്പ്‌ ചാറ്റുകളും പ്രവർത്തകർ കുത്തിപ്പൊക്കിയിട്ടുണ്ട്.താൻ ആരാണെന്ന് സാധാരണ പ്രവർത്തകർക്കറിയാം.സന്ദീപിന് ആരെയും സ്വാധീനിക്കാനുള്ള ശേഷിയില്ലെന്നും കൃഷ്ണകുമാർ പറഞ്ഞു.