കണ്ണൂർ സർവ്വകലാശാല അറിയിപ്പ്/ സീറ്റ് ഒഴിവ്/ അഭിമുഖം/ അപേക്ഷ/ അഡ്മിഷൻ/ പരീക്ഷാഫലം/ ടൈംടേബിൾ -

വനിതാ ഹോസ്റ്റൽ മേട്രൺ : ഒഴിവ്

കണ്ണൂർ സർവകലാശാല നീലേശ്വരം ഡോ. പി.കെ രാജൻ മെമ്മോറിയൽ കാമ്പസിലെ വനിതാ ഹോസ്റ്റലിൽ ദിവസ വേതനത്തിൽ മേട്രണെ നിയമിക്കുന്നു. എസ്.എസ്.എൽ.സി പാസായ 18 നും 36നും മദ്ധ്യേ പ്രായമുള്ള ഭിന്നശേഷിക്കാരല്ലാത്ത സ്ത്രീകൾക്ക് അപേക്ഷിക്കാം. എസ്.സി, എസ്.ടി, ഒ.ബി.സി വിഭാഗങ്ങൾക്ക് പ്രായ പരിധിയിൽ നിയമാനുസൃതമായ ഇളവ് ലഭിക്കും. താല്പര്യമുള്ളവർ അസ്സൽ സർട്ടിഫിക്കറ്റുകൾ സഹിതം നവംബർ 30ന് രാവിലെ 10 മണിക്ക് നീലേശ്വരം ക്യാമ്പസ്സിൽ നടക്കുന്ന അഭിമുഖത്തിന് ഹാജരാകണം. ഫോൺ: 8606050283

ലാബ് അസിസ്റ്റന്റ് : ഒഴിവ്

കണ്ണൂർ സർവ്വകലാശാല പാലയാട് ഡോ.ജാനകി അമ്മാൾ ക്യാമ്പസിൽ മോളിക്യൂലർ ബയോളജി പഠനവകുപ്പിൽ ദിവസ വേതന അടിസ്ഥാനത്തിൽ ലാബ് അസിസ്റ്റന്റിന്റെ ഒഴിവുണ്ട്. ലൈഫ് സയൻസിൽ ബിരുദമാണ് യോഗ്യത. താല്പര്യമുള്ള ഉദ്യോഗാർത്ഥികൾ അസ്സൽ യോഗ്യത സർട്ടിഫിക്കറ്റുകൾ സഹിതം ഡിസംബർ 03 ന് രാവിലെ 11 മണിക്ക് വകുപ്പ് മേധാവിക്ക് മുൻപാകെ നേരിട്ട് ഹാജരാകേണ്ടതാണ്. ഫോൺ : 9663749475.

പരീക്ഷാ ഫലം

അഫിലിയേറ്റഡ് കോളേജുകളിലെ രണ്ടാം സെമസ്റ്റർ എം.എസ്.സി. (റെഗുലർ / സപ്ലിമെന്ററി /ഇംപ്രൂവ്മെന്റ് /മേഴ്‌സി ചാൻസ്) ഏപ്രിൽ 2024 പരീക്ഷകളുടെ ഫലം സർവകലാശാല വെബ്‌സൈറ്റിൽ ലഭ്യമാണ്. ഉത്തരക്കടലാസ് പുനർമൂല്യനിർണ്ണയം (സപ്ലിമെന്ററി/ ഇംപ്രൂവ്മെന്റ് വിദ്യാർഥികൾക്ക് മാത്രം) /സൂക്ഷ്മ പരിശോധന/ പകർപ്പ് ലഭ്യമാക്കൽ എന്നിവക്ക് ഡിസംബർ 09 വരെ അപേക്ഷിക്കാം.