കണ്ണൂർ സർവ്വകലാശാല അറിയിപ്പ്/ സീറ്റ് ഒഴിവ്/ അഭിമുഖം/ അപേക്ഷ/ അഡ്മിഷൻ/ പരീക്ഷാഫലം/ ടൈംടേബിൾ
പരീക്ഷാ വിജ്ഞാപനം
ഒന്നും രണ്ടും വർഷ ഡിഗ്രി എസ്.ഡി.ഇ. (സപ്പ്ളിമെന്ററി – 2018 & 19 അഡ്മിഷൻ)/ എസ്.ഡി.ഇ. (ഒറ്റത്തവണ മേഴ്‌സി ചാൻസ് – 2011 മുതൽ 17 അഡ്മിഷൻ) പരീക്ഷകൾക്ക് (ഏപ്രിൽ 2024) പിഴയില്ലാതെ 20.11.2024 മുതൽ 30.11.2024 വരെയും പിഴയോടു കൂടി 03.12.2024 വരെയും അപേക്ഷിക്കാം. പരീക്ഷാ വിജ്ഞാപനം സർവകലാശാല വെബ്സൈറ്റിൽ ലഭ്യമാണ്. ഒറ്റത്തവണ മേഴ്‌സി ചാൻസ് പരീക്ഷകൾക്ക് അപേക്ഷ സമർപ്പിക്കുന്ന വിദ്യാർത്ഥികൾ അപേക്ഷയോടൊപ്പം റീ രജിസ്‌ട്രേഷൻ നടത്തുന്നതിനുള്ള നിശ്ചിത മാതൃകയിലുള്ള അപേക്ഷ, ഫീസ് അടച്ച രസീത് സഹിതം സമർപ്പിക്കേണ്ടതാണ്.
ഹാൾടിക്കറ്റ്
ഇന്റെഗ്രേറ്റഡ്‌ എം.എസ്.സി. ഇൻ കമ്പ്യൂട്ടർ സയൻസ് വിത്ത് സ്പെഷ്യലൈസേഷൻ ഇൻ ആർട്ടിഫിഷ്യൽ ഇന്റലിജിൻസ് ആൻഡ് മെഷീൻ ലേർണിംഗ് പ്രോഗ്രാമിൻറെ ഒമ്പതാം സെമസ്റ്റർ ഒക്ടോബർ 2024 (റഗുലർ) പരീക്ഷകളുടെ ഹാൾടിക്കറ്റുകൾ സർവകലാശാല വെബ് സൈറ്റിൽ ലഭ്യമാണ്. ഹാൾടിക്കറ്റ് ലഭിക്കാത്തവർ സർവകലാശാലയുമായി ബന്ധപ്പെടേണ്ടതാണ്.
പരീക്ഷകൾ പുനക്രമീകരിച്ചു
കണ്ണൂർ സർവകലാശാലയുടെ മൂന്നാം സെമസ്റ്റർ എം.എസ്.സി കമ്പ്യൂട്ടർ സയൻസ്/ എം.എസ്.സി കമ്പ്യൂട്ടർ സയൻസ് വിത്ത് സ്പെഷ്യലൈസേഷൻ ഇൻ ആർട്ടിഫിഷൽ ഇൻറലിജൻസ് ഡിഗ്രി (റെഗുലർ /സപ്ലിമെന്ററി) ഒക്ടോബർ 2024 പ്രായോഗിക പരീക്ഷകൾ പുനക്രമീകരിച്ചു. 18.11.2024-ന് കെ.ബി.എം. ഗവ. കോളേജ് ചൊക്ലി, സി.എ.എസ്. കൂത്തുപ്പറമ്പ് എന്നീ കോളേജുകളിൽ നടത്താൻ നിശ്ചിയിച്ച പ്രായോഗിക പരീക്ഷകൾ 19.11.2024 തീയതിയിലേക്കും, 19/11/2024-ന് മേരിമാതാ ആർട്സ് & സയൻസ് കോളേജ്, മാനന്തവാടിയിൽ നടത്താൻ നിശ്ചിയിച്ച പ്രായോഗിക പരീക്ഷകൾ 20.11.2024 തീയതിയിലേക്കും മാറ്റി പുനക്രമീകരിച്ചു. വിശദമായ ടൈംടേബിൾ യൂണിവേഴ്സിറ്റി വെബ്സൈറ്റിൽ ലഭ്യമാക്കിയിട്ടുണ്ട്. രജിസ്റ്റർ ചെയ്ത വിദ്യാർത്ഥികൾ പരീക്ഷാകേന്ദ്രവുമായി ബന്ധപ്പെടേണ്ടതാണ്.
ടെക്നിക്കൽ അസിസ്റ്റന്റ് ഒഴിവ്
കണ്ണൂർ സർവ്വകലാശാല ഇൻഫർമേഷൻ ടെക്‌നോളജി പഠനവകുപ്പിൽ ടെക്നിക്കൽ അസിസ്റ്റന്റ് തസ്തികയിലെ ഒരൊഴിവിലേക്ക് ദിവസവേതനാടിസ്ഥാനത്തിൽ താൽക്കാലിക നിയമനം നടത്തുന്നു. ഫസ്റ്റ് ക്‌ളാസ് മാർക്കോട് കൂടിയ എം. സി. എ. / എം. എസ്. സി. കമ്പ്യൂട്ടർ സയൻസ് പോസ്റ്റ് ഗ്രാജുവേറ്റ് ബിരുദമാണ് യോഗ്യത. ഉദ്യോഗാർത്ഥികൾ യോഗ്യത തെളിയിക്കുന്ന അസ്സൽ സർട്ടിഫിക്കറ്റുകൾ സഹിതം 20.11.2024 (ബുധനാഴ്ച) രാവിലെ 10.30ന് മാങ്ങാട്ടുപറമ്പ ഇൻഫർമേഷൻ ടെക്‌നോളജി പഠനവകുപ്പിൽ നടത്തുന്ന അഭിമുഖത്തിലും പ്രായോഗിക പരീക്ഷയിലും പങ്കെടുക്കേണ്ടതാണ്. പ്രായപരിധി :01.01.2024 തീയ്യതിയിൽ 36 വയസ്സ് കവിയാൻ പാടില്ല. SC/ST/OEC/OBC വിഭാഗങ്ങൾക്ക് നിയമാനുസൃതമായ വയസ്സിളവ് ഉണ്ടായിരിക്കും.
About The Author
