വർണ്ണാഭമായി ശിശുദിനാഘോഷം
കണ്ണൂർ ജില്ലാ ശിശുക്ഷേമ സമിതിയുടെ നേതൃത്വത്തിൽ ശിശുദിനാഘോഷ പരിപാടികൾ സംഘടിപ്പിച്ചു. പരിപാടിയുടെ ഭാഗമായി കളക്ടറേറ്റ് മൈതാനിയിൽ നിന്നാരംഭിച്ച കുട്ടികളുടെ റാലി വർണ്ണാഭമായി. മുനിസിപ്പൽ ഹയർസെക്കൻഡറി സ്‌കൂളിൽ നടന്ന കുട്ടികളുടെ പൊതുസമ്മേളനം കുട്ടികളുടെ പ്രധാനമന്ത്രി മിദ്ഹാ ഫാത്തിമ ഉദ്ഘാടനം ചെയ്തു. ജില്ലാ കളക്ടർ അരുൺ കെ വിജയൻ ശിശുദിന സന്ദേശം നൽകി. ശിശു ദിനാഘോഷത്തിന്റെ ഭാഗമായി സംഘടിപ്പിച്ച വിവിധ മത്സര വിജയികൾക്ക് ഉപഹാര വിതരണവും നടത്തി. ശിശുദിന സ്റ്റാമ്പ് ജില്ലാ കളക്ടർ അരുൺ കെ വിജയൻ കണ്ണൂർ ജില്ലാ ശിശുക്ഷേമ സമിതി സെക്രട്ടറി കെ എം രസിൽ രാജിന് നൽകി പ്രകാശനം ചെയ്തു.
സമ്മേളനത്തിൽ കുട്ടികളുടെ പ്രസിഡൻ്റ് ഐനവ് ദിജേഷ് അധ്യക്ഷനായിരുന്നു. അസിസ്റ്റൻറ് കളക്ടർ ഗ്രന്ഥേ സായികൃഷ്ണ, കണ്ണൂർ ജില്ലാ വിദ്യാഭ്യാസ ഉപഡയറക്ടർ കെ.എൻ ബാബു മഹേശ്വരി, കണ്ണൂർ തഹസിൽദാർ സുരേഷ് ചന്ദ്രബോസ്, കണ്ണൂർ ജില്ലാ ശിശുക്ഷേമ സമിതി വൈസ് പ്രസിഡൻ്റ് എം.ടി സുധീന്ദ്രൻ മാസ്റ്റർ, ജോയിന്റ് സെക്രട്ടറി യു.കെ ശിവകുമാരി, ട്രഷറർ വിഷ്‌ണു ജയൻ, ആധയ സുജിത്ത് തുടങ്ങിയവർ സംസാരിച്ചു.
ശിശുദിന റാലി അഡീഷണൽ സൂപ്രണ്ട് ഓഫ് പോലീസ് കെ.വി വേണുഗോപാൽ റാലി ഫ്‌ളാഗ് ഓഫ് ചെയ്തു. കുട്ടികളുടെ പ്രധാനമന്തി മിദ്ഹാ ഫാത്തിമ, പ്രസിഡൻ്റ് ഐനവ് ദിജേഷ്, സ്‌പീക്കർ അവനിക അരുൺ, നവാൻ ദിനേശ്, ആധയ സുജിത്ത് എന്നിവർ നയിച്ച റാലി മുനിസിപ്പൽ ഹയർസെക്കൻഡറി സ്‌കൂളിൽ സമാപിച്ചു. വിവിധ സ്കൂളിലെ വിദ്യാർഥികൾ പങ്കെടുത്തു.
About The Author
