ചേലക്കരയിൽ പ്രദീപ് മുന്നേറുന്നു, വയനാട്ടിൽ പ്രിയങ്കയുടെ ലീഡ് 30000 കടന്നു, പാലക്കാട്ട് ബിജെപി
വയനാട്ടിൽ യുഡിഎഫ് സ്ഥാനാർത്ഥി പ്രിയങ്ക ഗാന്ധിയുടെ ലീഡ് കുത്തനെ ഉയരുന്നു. വയനാട്ടിൽ പ്രിയങ്ക ഗാന്ധിയുടെ ലീഡ് 30,000 കടന്നു. നിലവിൽ പ്രിയങ്ക 30313 വോട്ടുകളുടെ ലീഡ് ലഭിച്ചു. നിലമ്പൂർ, വണ്ടൂർ, ഏറനാട് മണ്ഡലങ്ങളിലെ വോട്ടെണ്ണി തുടങ്ങിയപ്പോൾ പ്രിയങ്ക ഗാന്ധിക്ക് 3898 വോട്ടിൻ്റെ ലീഡ് ലഭിച്ചു.
നിലമ്പുർ, വണ്ടൂർ മേഖലകളിലെ വോട്ടുകളാണ് എണ്ണിയിരിക്കുന്നത്. വയനാട്ടില്‍ കോഴിക്കോട് ജില്ലയിൽ വരുന്ന തിരുവമ്പാടി മണ്ഡലം, മലപ്പുറം ജില്ലയിൽ വരുന്ന നിലമ്പൂർ, വണ്ടൂർ, ഏറനാട് മണ്ഡലങ്ങൾ എന്നിവിടങ്ങളിലേത് ഉൾപ്പെടെ മുഴുവൻ തപാൽ വോട്ടുകളും എണ്ണുന്നത് വയനാട്ടിലെ വോട്ടെണ്ണൽ കേന്ദ്രത്തിലാണ്.
പാലക്കാട് ഇഞ്ചോടിഞ്ച് പോരാട്ടം. മണ്ഡലത്തില്‍ 1016 വോട്ടുകള്‍ക്ക് സി കൃഷ്ണകുമാറാണ് മുന്നില്‍.
ചേലക്കരയിൽ ആദ്യ റൗണ്ട് വോട്ടെണ്ണൽ പൂർത്തിയായപ്പോൾ എൽഡിഎഫ് സ്ഥാനാർഥി യു.ആർ.പ്രദീപിന് 2592 വോട്ടിന്റെ ലീഡ്
About The Author
