കണ്ണൂരിൽ നിന്നും കാണാതായ കുട്ടിയെ കണ്ടെത്തി
തളിപ്പറമ്പിൽ നിന്നും കാണാതായ കുട്ടിയെ കണ്ടെത്തി. കോഴിക്കോട് നിന്നാണ് കണ്ടെത്തിയത്. തളിപ്പറമ്പ് പൂക്കോത്ത് തെരു സ്വദേശി ആര്യനെയാണ് ഇന്നലെ കാണാതായത്. 14 വയസാണ്. ഇന്നലെ സ്‌കൂള്‍ വിട്ട് കുട്ടി വീട്ടിലെത്തിയിരുന്നില്ല.തുടർന്ന് രക്ഷിതാക്കൾ പോലീസിൽ പരാതി നൽകുകയായിരുന്നു.
തളിപ്പറമ്പ് പോലീസ് കുട്ടിയുമായി കണ്ണൂരിലേക്ക് പുറപ്പെട്ടു. പരശുറാം എക്സ്പ്രസിൽ വരുന്നതിനിടയിൽ റെയിൽവേ പോലീസാണ് കുട്ടിയെ കണ്ടെത്തിയത്. സ്കൂൾ യൂണിഫോമിലാണ് കുട്ടിയെ കാണാതായത്. ഇതിനിടയ്ക്ക് കുട്ടി വീട്ടിലേക്ക് ഇൻസ്റ്റാഗ്രാം വഴി വീട്ടിലേക്ക് വീഡിയോ കോൾ ചെയ്തിരുന്നു.അമ്മൂമ്മയുടെ വീട്ടിലേക്ക് പോകുന്നുവെന്ന് കുട്ടി കൂട്ടുകാരോട് പറഞ്ഞിരുന്നത്. എന്നാൽ കുട്ടി അവിടെ എത്തിയിരുന്നില്ല.
About The Author
