‘ലയം’ദേശീയ പുരസ്കാരം നടനും സംവിധായകനുമായ കണ്ണൂർ സ്വദേശി മഞ്ജുളന് -

ഓൾ ഇന്ത്യാ മലയാളി അസോസിയേഷൻ്റെയും (AIMA) കേരള സംഗീത നാടക അക്കാഡമിയുടേയും അംഗീകാരത്തോടെ ഡൽഹിയിൽ പ്രവർത്തിക്കുന്ന ലയം ഓർക്കസ്ട്രാ ആൻഡ് കൽച്ചറൽ ഗ്രൂപ്പിൻ്റെ (ESTD 1984) ദേശീയ പുരസ്കാരം നടനും സംവിധായകനുമായ മഞ്ജുളന്.കണ്ണൂർ ജില്ലയിലെ പയ്യന്നൂർ പെരുന്തട്ട സ്വദേശിയാണ് മഞ്ജുളൻ. ഇരുപത് വർഷത്തോളം ഇന്ത്യക്ക് അകത്തും പുറത്തുമായി 2500 ഇൽ അധികം വേദികളിൽ സോളോ ഡ്രാമ ‘കൂനൻ’ അവതരിപ്പിച്ചു റെക്കോർഡ് സൃഷ്ടിക്കുകയും, നാടക സിനിമ രംഗത്ത് നൂതനമായ അഭിനയ പരിശീലന പദ്ധതികൾ ആവിഷ്കരിച്ചു അനവധി മികച്ച ശിഷ്യ സമ്പത്ത് സംഭാവന ചെയ്തതും പരിഗണിച്ചാണ് അവാർഡ്. ഒക്ടോബർ 26 ന് ഡൽഹിയിൽ നടക്കുന്ന ചടങ്ങിൽ അവാർഡ് തുകയായ 25,000 രൂപയും പ്രശസ്തിഫലകവും സമ്മാനിക്കുമെന്ന് ലയം പ്രസിഡന്റ്‌ ശ്രീ അജി കുമാർ മേടയിൽ അറിയിച്ചു.