കണ്ണൂർ സർവ്വകലാശാല അറിയിപ്പ്/ സീറ്റ് ഒഴിവ്/ അഭിമുഖം/ അപേക്ഷ/ അഡ്മിഷൻ/ പരീക്ഷാഫലം/ ടൈംടേബിൾ -

പി.ജി പ്രവേശന തീയതി നീട്ടി

കണ്ണൂർ സർവകലാശാല പഠനവകുപ്പുകൾ/ സെന്ററുകൾ, അഫിലിയേറ്റഡ് കോളേജുകൾ എന്നിവിടങ്ങളിലെ 2024-25 അദ്ധ്യയന വർഷത്തെ ബിരുദാനന്തര ബിരുദ പ്രോഗ്രാമുകളിൽ പ്രവേശനം നേടുന്നതിനുള്ള അവസാന തീയതി ഒക്ടോബർ 10 വരെ നീട്ടിയിരിക്കുന്നു. പ്രവേശനം ആഗ്രഹിക്കുന്നവർ പ്രസ്തുത സ്ഥാപനങ്ങളുമായി നേരിട്ട് ബന്ധപ്പെടേണ്ടതാണ്.

പി.എച്ച്.ഡി. പ്രവേശനം

കണ്ണൂർ സർവ്വകലാശാലയുടെ വിവിധ പഠനവകുപ്പുകളിലും അംഗീകൃത ഗവേഷണ കേന്ദ്രങ്ങളിലും 2024-25 വർഷത്തെ പി.എച്ച്.ഡി. പ്രവേശനത്തിനായി അപേക്ഷ ക്ഷണിച്ചു. ഒക്ടോബർ പത്തൊമ്പതാം തിയതി വരെ സർവ്വകലാശാല വെബ്‌സൈറ്റിൽ ഓൺലൈനായി രജിസ്റ്റർ ചെയ്യാവുന്നതാണ്. അഭിമുഖത്തിന്റെ തീയ്യതി പിന്നീട് അറിയിക്കുന്നതായിരിക്കും. വിശദ വിവരങ്ങൾ സർവ്വകലാശാല വെബ്‌സൈറ്റിൽ.

പ്രായോഗിക പരീക്ഷ

നാലാം സെമസ്റ്റർ ബി.കോം (പ്രൈവറ്റ് രജിസ്‌ട്രേഷൻ) റഗുലർ/സപ്പ്ളിമെന്ററി/ഇമ്പ്രൂവ്മെന്റ്, ഏപ്രിൽ 2024 പ്രായോഗിക പരീക്ഷകൾ 2024 ഒക്ടോബർ 10,14,15 തീയതികളിൽ വിവിധ കേന്ദ്രങ്ങളിൽ വച്ച് നടത്തുന്നതാണ്. വിശദമായ ടൈം ടേബിൾ സർവകലാശാല വെബ്‌സൈറ്റിൽ ലഭ്യമാണ്.