ഉപഭോക്തൃ സംഗമം സംഘടിപ്പിച്ചു -

ഉപഭോക്തൃ സേവനവാരാചരണത്തിന്റെ ഭാഗമായി കെ എസ് ഇ ബി ഉപഭോക്തൃ സംഗമം സംഘടിപ്പിച്ചു കണ്ണൂർ ചേംബർ ഹാളിൽ രജിസ്‌ട്രേഷൻ വകുപ്പ് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്തു. നോർത്ത് മലബാർ ഡിസ്ട്രിബ്യൂഷൻ ചീഫ് എഞ്ചിനീയർ ഹരീശൻ മൊട്ടമ്മൽ അധ്യക്ഷനായി. കെ എസ്ഇ ബി ഓൺലൈൻ സേവനങ്ങൾ, ഓൺലൈൻ പേയ്‌മെന്റ്, വൈദ്യുതി സുരക്ഷ എന്നിവ സംബന്ധിച്ച് കണ്ണൂർ ഇലക്ട്രിക്കൽ സർക്കിൾ ഡെപ്യൂട്ടി ചീഫ് എഞ്ചിനീയർ എം പി സുധീർ വിഷയാവതരണം നടത്തി. കണ്ണൂർ ഇലക്ട്രിക്കൽ സബ് ഡിവിഷനൽ അസി. എക്‌സിക്യൂട്ടീവ് എഞ്ചിനീയർ ബിമൽ ജോസഫ് , ചൊവ്വ ഇലക്ട്രിക്കൽ സബ് ഡിവിഷനൽ അസി. എക്‌സിക്യൂട്ടീവ് എഞ്ചിനീയർ എ പി വിജേഷ് എന്നിവർ സംസാരിച്ചു.