ജില്ലാ സ്‌കൂള്‍ കായിക മേളക്ക് തലശ്ശേരിയില്‍ തുടക്കം
കണ്ണൂര്‍ ജില്ലാ സ്‌കൂള്‍ കായിക മേളക്ക് തലശ്ശേരി ജസ്റ്റിസ് വി.ആര്‍. കൃഷ്ണയ്യര്‍ സ്മാരക മുന്‍സിപ്പല്‍ സ്റ്റേഡിയത്തില്‍ തുടക്കമായി. നിയമസഭ സ്പീക്കര്‍ അഡ്വ എ.എന്‍ ഷംസീര്‍ കായിക മേള ഉദ്ഘാടനം ചെയ്തു. കായിക താരങ്ങള്‍ക്ക് ആവശ്യമായ പിന്തുണയും പ്രോത്സാഹനവും സര്‍ക്കാര്‍ നല്‍കുന്നുണ്ടെന്നും കായിക രംഗത്ത് മുന്നേറാന്‍ വിദ്യാര്‍ത്ഥികള്‍ നന്നായി പരിശ്രമിക്കണമെന്നും പങ്കാളിത്തം ഉറപ്പാക്കണമെന്നും സ്പീക്കര്‍ പറഞ്ഞു. 15 ഉപജില്ലകളില്‍ നിന്നായി രണ്ടായിരത്തോളം കായിക പ്രതിഭകള്‍ മേളയില്‍ മാറ്റുരയ്ക്കും. കായിക മേള ഒക്ടോബര്‍ 23 ന് സമാപിക്കും.
തലശ്ശേരി നഗരസഭ ചെയര്‍പേഴ്‌സണ്‍ കെ.എം ജമുനാറാണി അധ്യക്ഷത വഹിച്ചു. ആരോഗ്യ സ്റ്റാന്റിങ് കമ്മിറ്റി ചെയര്‍ പേഴ്‌സണ്‍ ടി.കെ സാഹിറ, കൗണ്‍സിലര്‍ പി.കെ സോന, കണ്ണൂര്‍ വിദ്യാഭ്യാസ ഉപയറക്ടര്‍ കെ.എന്‍.ബാബു മഹേശ്വരി പ്രസാദ്, ഹയര്‍ സെക്കന്ററി റീജ്യണല്‍ ഡപ്യൂട്ടി ഡയറക്ടര്‍ ആര്‍. രാജേഷ് കുമാര്‍, കണ്ണൂര്‍ ഡയറ്റ് പ്രിന്‍സിപ്പല്‍ വി.വി. പ്രേമരാജന്‍, വിദ്യാകിരണം ജില്ലാ കോ ഓര്‍ഡിനേറ്റര്‍ കെ.സി. സുധീര്‍, ജില്ലാ സ്‌കൂള്‍ സ്‌പോര്‍ട്‌സ് കോ ഓര്‍ഡിനേറ്റര്‍ പി.പി. മുഹമ്മദലി, രജീഷ് കാളിയത്താന്‍ തുടങ്ങിയവര്‍ സംസാരിച്ചു.
About The Author
