ഓ​ട്ടോ​ ഡ്രൈ​വ​ർ ചി​ത്ര​ലേ​ഖ അന്തരിച്ചു ; മരണം അ​ർ​ബു​ദ​ ചികിത്സയിലിരിക്കെ

ക​ണ്ണൂ​ർ: ദളിത് പോരാട്ടങ്ങളിൽ ശ്രദ്ധേയയായ ഓ​ട്ടോ​ഡ്രൈ​വ​ർ ചി​ത്ര​ലേ​ഖ (48) നിര്യാതയായി.പുലർച്ചെ മൂന്നു മണിയോടെ കണ്ണൂർ കമ്പിലെ ആശുപത്രിയിലായിരുന്നു അന്ത്യം. പാ​ൻ​ക്രി​യാ​സ് കാ​ൻ​സ​റി​നെ തുടർന്ന് ചികിത്സയിലായിരുന്ന ചി​ത്ര​ലേ​ഖ കനത്ത ശ്വാസംമുട്ടലിനെ തുടർന്നാണ് മരിച്ചത്.ചിത്രലേഖയുടെ ഭൗതികശരീരം നാളെ (ഞായർ) രാവിലെ 9.00 മണിക്ക് ആശുപത്രിയിൽ നിന്ന് വീട്ടിലെത്തിക്കും. 10 മണിക്ക് പയ്യാമ്പലം കടപ്പുറത്തെത്തിക്കും. പയ്യാമ്പലത്ത് സംസ്കരിക്കും.ഭർത്താവ് :ശ്രീ​ഷ്‍കാ​ന്ത് ,മക്കൾ: മനു, ലേഖ.

പ​യ്യ​ന്നൂ​ർ സ്വ​ദേ​ശി​നി​യാ​യ ചി​ത്ര​ലേ​ഖ, സി.​പി.​എ​മ്മു​മാ​യി ഏ​റ്റു​മു​ട്ടി​യാ​ണ് വാ​ർ​ത്ത​ക​ളി​ൽ ഇ​ടം​പി​ടി​ച്ച​ത്. ഏ​താ​നും വ​ർ​ഷ​ങ്ങ​ളാ​യി ക​ണ്ണൂ​ർ കാ​ട്ടാ​മ്പ​ള്ളി​യി​ലാ​ണ് താ​മ​സം. ഇ​വി​ടെ​യു​ള്ള പു​തി​യ വീ​ടി​നു മു​ന്നി​ൽ നി​ർ​ത്തി​യി​ട്ട ഓ​ട്ടോ​റി​ക്ഷ​ക്ക് ക​ഴി​ഞ്ഞ​ വ​ർ​ഷം ആ​ഗ​സ്റ്റ് 25ന് ​പു​ല​ർ​ച്ചെ​യാ​ണ് തീ​യി​ട്ട​ത്. സി.​പി.​എ​മ്മു​കാ​രാ​ണ് തീ​യി​ട്ട​തെ​ന്നാ​ണ് അ​വ​ർ ആ​രോ​പി​ച്ച​ത്. കേ​സും പ്ര​തി​ഷേ​ധ​വു​മാ​യി മാ​സ​ങ്ങ​ളോ​ളം ക​ഴി​ഞ്ഞു ​വ​രു​ന്ന​തി​നി​ടെ സ​ന്ന​ദ്ധ സം​ഘ​ട​ന​യു​ടെ സ​ഹാ​യം വ​ഴി ഓ​ട്ടോ​റി​ക്ഷ ല​ഭി​ച്ചു. വീ​ണ്ടും നി​ര​ത്തി​ലി​റ​ങ്ങി ആ​ഴ്ച​ക​ൾ​ക്ക​ക​മാ​ണ് രോ​ഗം ബാ​ധി​ച്ച് തു​ട​ങ്ങി​യ​ത്.

2002ൽ ​തീ​യ സ​മു​ദാ​യ​ത്തി​ൽ​പെ​ട്ട ശ്രീ​ഷ്‍കാ​ന്തി​നെ പ്ര​ണ​യി​ച്ചു വി​വാ​ഹം ചെ​യ്ത​തോ​ടെ​യാ​ണ് ജാ​തി​ വി​വേ​ച​ന​ത്തി​നും പീ​ഡ​ന​ത്തി​നും ചി​ത്ര​ലേ​ഖ ഇ​ര​യാ​യ​ത്. ന​ഴ്​​സാ​യി​രു​ന്ന ഇ​വ​ർ ആ ​ജോ​ലി വി​ട്ട് ഭ​ർ​ത്താ​വി​നൊ​പ്പം ഓ​ട്ടോ​റി​ക്ഷ ഡ്രൈ​വ​റാ​വാ​ൻ തീ​രു​മാ​നി​ച്ചു. വി​വാ​ഹ​ശേ​ഷം ലോ​ണെ​ടു​ത്ത് വാ​ങ്ങി​യ ഓ​ട്ടോ​റി​ക്ഷ​യു​മാ​യി പ​യ്യ​ന്നൂ​ർ എ​ടാ​ട്ടി​ൽ ഓ​​ട്ടോ സ്റ്റാ​ൻ​ഡി​ലെ​ത്തി​യ​തോ​ടെ​യാ​ണ് പ്ര​ശ്ന​ങ്ങ​ളു​ടെ തു​ട​ക്കം. ഇ​വി​ടെ​വെ​ച്ച് ജാ​തീ​യ​മാ​യി അ​ധി​ക്ഷേ​പം നേ​രി​ട്ടു. പി​ന്നീ​ട് ഓ​ട്ടോ​റി​ക്ഷ​ക്കു​ നേ​രെ ആ​ക്ര​മ​ണ​മാ​യി. 2005 ഡി​സം​ബ​ർ 30ന് ​ഓ​ട്ടോ​റി​ക്ഷ ക​ത്തി​ക്കു​ക​യും ചെ​യ്തു. അ​ന്നു മു​ത​ൽ സി.​പി.​എ​മ്മി​നെ​തി​രെ പ​ര​സ്യ​മായി രംഗത്തെത്തി.

About The Author

NEWS EDITOR

See author's posts