വിവിധ മേഖലകളില്‍ അറിയിപ്പ്/ സീറ്റ് ഒഴിവ്/ അഭിമുഖം/ അപേക്ഷ/ നിയമനം/ ലേലം/ ക്വട്ടേഷന്‍

60 വയസ്സിന് മേലെ പ്രായമുള്ള വയോജനങ്ങൾക്ക് ആയുർവേദ മെഡിക്കൽ ക്യാമ്പ് സംഘടിപ്പിക്കുന്നു.  ചാല എടക്കാട് ബ്ലോക്ക് പഞ്ചായത്ത് ഹാളിൽ ആഗസ്റ്റ് 27 ന് രാവിലെ 10 മണി മുതൽ ഒരു മണിവരെ കേരള സർക്കാർ ഭാരതീയ ചികിത്സാ വകുപ്പിന്റെയും, നാഷണൽ ആയുഷ് മിഷന്റെയും ചെമ്പിലോട് ഗ്രാമ പഞ്ചായത്തിന്റെയും, ചെമ്പിലോട് ഗവ.ആയുർവേദ ഡിസ്പെൻസറി ആയുഷ് ഹെൽത്ത് ആൻഡ് വെൽനസ് സെന്ററിന്റെയും സംയുക്താഭിമുഖ്യത്തിലാണ് ക്യാമ്പ്: ഫോൺ : 0497 2822042

രേഖകൾ ഹാജരാക്കണം

മലബാർ ദേവസ്വം ബോർഡ് കാസർകോട് ഡിവിഷനിൽ നിന്നും നിലവിൽ ധനസഹായം കൈപ്പറ്റുന്ന ആചാരസ്ഥാനികർ/കോലധാരികൾ എന്നിവർക്ക് 2023 ഏപ്രിൽ മാസം മുതലുള്ള വേതനം ലഭിക്കുന്നതിനായി ക്ഷേത്രഭരണാധികാരികളുടെ സാക്ഷ്യപത്രം, മലബാർ ദേവസ്വം ബോർഡിൽ നിന്നും അനുവദിച്ച ഐഡന്റിറ്റി കാർഡിന്റെ പകർപ്പ്, ഗുണഭോക്താക്കളുടെ ബാങ്ക് പാസ് ബുക്കിന്റെ പകർപ്പ്, മൊബൈൽ നമ്പർ എന്നിവ മലബാർ ദേവസ്വം ബോർഡ് നീലേശ്വരത്തെ കാസർകോട് ഡിവിഷൻ ഓഫീസിൽ സെപ്റ്റംബർ അഞ്ചിന് മുമ്പായി ഹാജരാക്കണം.

കിക്മ എം.ബി.എ അഭിമുഖം 27ന്

സഹകരണ വകുപ്പിന് കീഴിൽ സംസ്ഥാന സഹകരണ യൂണിയന്റെ തിരുവനന്തപുരത്തെ കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റിൽ (കിക്മ) 2024-26 എം.ബി.എ. (ഫുൾടൈം) ബാച്ചിലേക്ക് ഒഴിവുള്ള സീറ്റിലേക്ക് ആഗസ്റ്റ് 27 ചൊവ്വ രാവിലെ 10 മുതൽ 12.30 വരെ കണ്ണൂർ കാൽടെക്‌സ് സമീപം ചേനോളി കോ-ഓപ്പറേറ്റീവ് ട്രെയിനിംഗ് കോളേജിൽ അഭിമുഖം നടത്തുന്നു.
കേരള സർവകലാശാലയുടെയും, എഐസിടിയുടെയും അംഗീകാര ത്തോടെ നടത്തുന്ന ദ്വിവൽസര കോഴ്‌സിൽ ഫിനാൻസ്, മാർക്കറ്റിങ്ങ്, ഹ്യൂമൻ റിസോഴ്സ്, ലോജിസ്റ്റിക്‌സ്, അനലിറ്റിക്‌സ് എന്നിവയിൽ ഡ്യൂവൽ സ്‌പെഷ്യലൈസേഷന് അവസരമുണ്ട്.
സഹകരണ മേഖലയിൽ പ്രവർത്തിക്കുന്നവരുടെ ആശ്രിതർക്കും, ഫിഷറീസ് വിഭാഗക്കാർക്കും എസ്‌സി, എസ്ടി വിദ്യാർഥികൾക്കും സർക്കാർ, യൂനിവേഴ്‌സിറ്റി നിബന്ധനകൾക്ക് വിധേയമായി സ്‌കോളർഷിപ്പിപ്പും പ്രത്യേക സീറ്റ് സംവരണവും ഏർപ്പെടുത്തിയിട്ടുണ്ട്.
50% മാർക്കിൽ കുറയാത്ത ബിരുദമാണ് അടിസ്ഥാന യോഗ്യത. കൂടുതൽ വിവരങ്ങൾ  8547618290/9447002106 എന്നീ നമ്പരിലും www.kicma.ac.in എന്ന വെബ്‌സൈറ്റിലും ലഭ്യമാണ്.

റസിഡന്റ് ട്യൂട്ടർ: വാക്-ഇൻ-ഇന്റർവ്യൂ

ആറളം പ്രീമെട്രിക് ഹോസ്റ്റലിൽ റസിഡന്റ് ട്യൂട്ടർ തസ്തികയിൽ കരാർ വ്യവസ്ഥയിൽ നിയമനം നടത്തുന്നതിന് വാക് ഇൻ ഇന്റർവ്യൂ സെപ്റ്റംബർ അഞ്ചിന് രാവിലെ 11 മണിക്ക് സിവിൽ സ്റ്റേഷൻ അഡീഷണൽ ബ്ലോക്കിലെ ഐടിഡിപി ഓഫീസിൽ നടക്കും. യോഗ്യത: ബിരുദം/ടിടിസി/ബിഎഡ്.   പട്ടികവർണ ഉദ്യോഗാർഥികളെ ലഭ്യമല്ലാത്ത പക്ഷം പട്ടികജാതി/മറ്റ് പിന്നോക്ക വിഭാഗക്കാരെയും പരിഗണിക്കും. ഉദ്യോഗാർഥികൾ അസ്സൽ സർട്ടിഫിക്കറ്റ് സഹിതം ഹാജരാകണം. ഫോൺ : 0497 2700357

വാക്-ഇൻ-ഇന്റർവ്യൂ

കണ്ണൂർ ജില്ലാ പട്ടികജാതി വികസന ഓഫീസിന് കീഴിൽ ഒഴിവുള്ള പായം, കേളകം, കുന്നോത്തുപറമ്പ്, മാങ്ങാട്ടിടം, കൂത്തുപറമ്പ് മുനിസിപ്പാലിറ്റി എന്നിവിടങ്ങളിലെ ഒഴിവിലേക്ക് എസ് സി പ്രമോട്ടർമാരെ നിയമിക്കുന്നതിന് വാക്ക്-ഇൻ-ഇന്റർവ്യൂ സെപ്റ്റംബർ അഞ്ചിന് ഉച്ചക്ക് രണ്ട് മണിക്ക് കണ്ണൂർ സിവിൽ സ്റ്റേഷൻ അനക്സിലെ ജില്ലാ പട്ടികജാതി വികസന ഓഫീസിൽ നടത്തും.  പട്ടികജാതിയിൽപ്പെട്ട പ്ലസ് ടു വിദ്യാഭ്യാസയോഗ്യതയുള്ളതും 40 വയസ്സ് കൂടാത്തതുമായ താൽപര്യമുള്ള ഉദ്യോഗാർഥികൾ ജാതി സർട്ടിഫിക്കറ്റ്, എസ് എസ് എൽ സി / പ്ലസ് ടു, റസിഡൻസ് / നേറ്റിവിറ്റി സർട്ടിഫിക്കറ്റ് എന്നിവയുടെ അസ്സലുകളും, പകർപ്പുകളും സഹിതം ഹാജരാകണം.  ഫോൺ: 0497 2700596

മറൈൻ ഫിറ്റർ കോഴ്‌സ്

അസാപ്പ് കേരളയും കൊച്ചിൻ ഷിപ്പ്യാർഡും ചേർന്നൊരുക്കുന്ന മറൈൻ സ്ട്രക്ച്വറൽ ഫിറ്റർ കോഴ്സിലേയ്ക്കുള്ള അപേക്ഷ ക്ഷണിച്ചു.  ഐടിഐ വെൽഡർ, ഫിറ്റർ, ഷീറ്റ് മെറ്റൽ എന്നീ കോഴ്‌സുകൾ 2020ലോ അതിന് ശേഷമോ പാസായ കുട്ടികൾക്കാണ് അവസരം. ആറ് മാസത്തെ കോഴ്സിലെ ആദ്യ രണ്ടു മാസം അടൂർ ഗവ. പോളിടെക്ക്നിക്ക് കോളേജിലും തുടർന്നുള്ള നാല്  മാസം കൊച്ചിൻ ഷിപ്പ്യാർഡ് ക്യാമ്പസിലുമാണ് പരിശീലനം. തുടർന്ന് ആറ് മാസം ഓൺ ജോബ് ട്രെയ്‌നിങ്ങും ഉണ്ടാകും. കൊച്ചിൻ ഷിപ്പ്യാർഡിലെ പരിശീലന/ഓൺ ജോബ് ട്രെയിനിംഗ് സമയത്ത് നിശ്ചിത സ്റ്റൈപ്പെൻഡും വിദ്യാർഥികൾക്ക് ലഭിക്കും.14514 രൂപയാണ് ഫീസ്. ക്രിസ്ത്യൻ, മുസ്ലിം, ജൈന, പാഴ്സി എന്നീ മത ന്യൂനപക്ഷ വിഭാഗങ്ങളിൽനിന്ന് ആദ്യം അപേക്ഷിക്കുന്ന 10 കുട്ടികൾക്ക് 100 ശതമാനം ന്യൂനപക്ഷ സ്‌കോളർഷിപ്പോടെ സൗജന്യമായി പഠിക്കാൻ കഴിയും. അപേക്ഷ സമർപ്പിക്കുവാനുള്ള അവസാന തീയതി ആഗസ്റ്റ് 25. ഫോൺ: 7736925907, 9495999688 വെബ്‌സൈറ്റ് www.asapkerala.gov.in