പരിയാരത്ത് കഞ്ചാവുമായി യുവാക്കൾ പിടിയിൽ -

9.700 കിലോഗ്രാം കഞ്ചാവ് സഹിതം അഞ്ച് പേരെ പരിയാരം പോലീസ് അറസ്റ്റ് ചെയ്തു. ഇന്നലെ രാത്രി എട്ടരയോടെയാണ് സംഭവം. അലക്യം പാലത്തിന് സമീപത്തെ കുന്നിൻ മുകളിൽ വച്ചാണ് ഇവരെ പോലീസ് പിടികൂടിയത്. രഹസ്യവിവരത്തിൻ്റെ അടിസ്ഥാനത്തിലാണ് പോലീസ് സ്ഥലത്തെത്തിയത്.

അലക്യം പാലത്തിന് സമീപത്തെ കാർലോസ് കുര്യാക്കോസ്(25), പിലാത്തറ സ്വദേശി കെ.വി.അഭിജിത്ത് (24),ഏമ്പേറ്റ് സ്വദേശി കെ.ഷിബിൻ (25), ശ്രീസ്ഥ സ്വദേശി കെ.ഷിജിൻ ദാസ് (28), വിളയാങ്കോട് സ്വദേശി റോബിൻ റോഡ്സ് (27) എന്നിവരാണ് അറസ്റ്റിലായത്. ബംഗളൂരുവിൽ നിന്നെത്തിച്ച കഞ്ചാവ് ചില്ലറ വിൽപ്പനക്കായി പാക്കറ്റുകളിലാക്കാനുള്ള ശ്രമത്തിനിടയിലാണ് ഇവർ പോലീസ് പിടിയാലായത്.