കണ്ണൂർ സെൻട്രൽ ജയിൽ കൊലപാതകം; പ്രതി അറസ്റ്റിൽ -

കൊലപാതക കേസിൽ ജീവപര്യന്തം ശിക്ഷാ തടവുകാരൻ ബാത്ത് റൂമിൽ മരിച്ച നിലയിൽ കണ്ടെത്തിയ സംഭവം കൊലപാതകമെന്ന് പോസ്റ്റ്മോർട്ടം റിപ്പോർട്ട് ലഭിച്ചു. സംഭവവുമായി ബന്ധപ്പെട്ട് സഹതടവുകാരൻ പാലക്കാട് സ്വദേശി വേലായുധനെ ടൗൺ സ്റ്റേഷൻ ഇൻസ്പെക്ടർ ശ്രീജിത്ത് കൊടേരിയുടെ നേതൃത്വത്തിൽ കസ്റ്റഡിയിലെടുത്തു.ഇക്കഴിഞ്ഞ നാലാം തീയതി രാത്രി 9.30 മണിയോടെയാണ് സെൻട്രൽ ജയിലിലെ പത്താം ബ്ലോക്കിലെ ജീവപര്യന്തം തടവുകാരൻ കൂത്തുപറമ്പ് കോളയാട് സ്വദേശി പി.കരുണാകരനെ (70) ബാത്ത് റൂമിൽ മരിച്ച നിലയിൽ കണ്ടെത്തിയത്.തുടർന്ന് മൃതദേഹം ഇൻക്വസ്റ്റ് നടത്തിയ ടൗൺ പോലീസിന് ലഭിച്ച ഫോറൻസിക് സർജ്ജൻ്റെ പോസ്റ്റ്മോർട്ടം റിപ്പോർട്ടിലാണ് തലക്കടിച്ചു കൊന്നതാണെന്ന വിവരം ലഭിച്ചത്.തുടർന്ന് കൊലപാതക കേസിൽ പ്രതിയെ കസ്റ്റഡിയിലെടുക്കുകയായിരുന്നു.