ഫലം അട്ടിമറിക്കാന് പലരും സമീപിച്ചെങ്കിലും വഴങ്ങിയില്ല; ഷാജിക്ക് മര്ദനമേറ്റെന്നും കുടുംബം
കേരള സര്വകലാശാല കലോത്സവത്തില് കോഴ വാങ്ങിയെന്ന ആരോപണത്തിന് പിന്നാലെ വിധികര്ത്താവ് ഷാജി ജീവനൊടുക്കിയ സംഭവത്തില് പ്രതികരണവുമായി കുടുംബം. മാര്ഗംകളി മത്സരത്തിന്റെ ഫലം അട്ടിമറിക്കാന് പലരും സമീപിച്ചെങ്കിലും ഷാജി വഴങ്ങിയിരുന്നില്ല. താന് ഒരു തെറ്റും ചെയ്തിട്ടില്ലെന്നും തന്നെ കുടുക്കിയതാണെന്നും ഷാജി കരഞ്ഞുപറഞ്ഞതായി അമ്മ ലളിത പ്രതികരിച്ചു. ഷാജിക്ക് മര്ദനമേറ്റിരുന്നെന്നും ദേഹത്ത് കരുവാളിച്ച പാടുകളുണ്ടായിരുന്നെന്നും ആരോപണമുണ്ട്. കോഴക്കേസില് ആരോപണവിധേയനായ ഷാജിയെ ബുധനാഴ്ച വൈകിട്ടോടെയാണ് കണ്ണൂരിലെ വീട്ടില് വിഷം ഉള്ളില് ചെന്ന് മരിച്ച നിലയില് കണ്ടെത്തിയത്.
ഇയാളുടെ ആത്മഹത്യാക്കുറിപ്പും പൊലീസ് കണ്ടെടുത്തിരുന്നു. നിരപരാധിയാണെന്നും കോഴ വാങ്ങി വിധിനിര്ണയം നടത്തിയിട്ടില്ലെന്നുമാണ് കുറിപ്പിലുള്ളത്