മലബാറിലെ ക്ഷേത്രങ്ങൾക്കായി ധനസഹായം അനുവദിച്ചു
മലബാറിലെ ക്ഷേത്രങ്ങൾക്ക് 10. 92 ലക്ഷം കോടി രൂപയുടെ ജീർണ്ണോദാരണ സഹായം മലബാർ ദേവസ്വം ബോർഡ് അനുവദിച്ചു. ദേവസ്വം മന്ത്രി കെ രാധാകൃഷ്ണൻ്റെ അധ്യക്ഷതയിൽ ചേർന്ന യോഗമാണ് 634 ക്ഷേത്രങ്ങൾക്കായി പണം അനുവദിച്ചത്. 467 പൊതു ക്ഷേത്രങ്ങൾ, 138 സ്വകാര്യ ക്ഷേത്രങ്ങൾ, 29 പട്ടിക വിഭാഗം ക്ഷേത്രങ്ങൾ എന്നിവയ്ക്കാണ് പണം അനുവദിച്ചത്.
മലബാർ ദേവസ്വം ബോർഡ് ചെയർമാൻ എം ആർ മുരളി, ദേവസ്വം പ്രിൻസിപ്പൽ സെക്രട്ടറി എം ജി രാജമാണിക്യം തുടങ്ങിയവർ യോഗത്തിൽ പങ്കെടുത്തു.
സാമ്പത്തിക പരാധീനത അനുഭവിക്കുന്ന ക്ഷേത്രങ്ങളെ പുനരുദ്ധരിച്ച് മുഖ്യധാരയിലേക്കെത്തിക്കുന്നതിൻ്റെ ഭാഗമായാണ് പണം അനുവദിച്ചതെന്ന് മന്ത്രി കെ രാധാകൃഷ്ണൻ പറഞ്ഞു.
About The Author
