വാഹനാപകടം; ടൊവിനോ തോമസിന്റെ ഷെഫ് മരിച്ചു

നടൻ ടൊവിനോയുടെ ഷെഫ് ആയി ജോലി ചെയ്യുന്ന വിഷ്ണു പേരൂരിലെ ബന്ധുവീട്ടിലെത്തിയ ശേഷം തിരികെ മടങ്ങുന്നതിനിടയിലായിരുന്നു അപകടം. അപകടത്തിൽപെട്ടവരെ പൊലീസും നാട്ടുകാരും ചേർന്നാണ് ആശുപത്രിയിലെത്തിച്ചത്. വിവരം അറിഞ്ഞ നടൻ തന്റെ സോഷ്യൽ മീഡിയ അക്കൗണ്ടിൽ വിഷ്ണുവിന്റെ ഫോട്ടോ പങ്കുവെച്ച് അനുശോചനം രേഖപ്പെടുത്തി.

പരേതനായ ശിവാനന്ദൻ–രാജി ദമ്പതികളുടെ മകനാണ് വിഷ്ണു. ഭാര്യ: ആതിര. സംസ്കാരം ഇന്ന് നാലിന് വെച്ചൂരിലെ വീട്ടുവളപ്പിൽ.