എന്തിനാണ് സിബിഐ അന്വേഷണത്തെ എതിര്‍ക്കുന്നത്?; സര്‍ക്കാരിനെതിരേ ഡോ.വന്ദനയുടെ പിതാവ്
സംസ്ഥാന സര്‍ക്കാരിനെതിരേ ഡോ.വന്ദനയുടെ പിതാവ് മോഹന്‍ദാസ്. മകളുടെ മരണവുമായി ബന്ധപ്പെട്ട് പല സംശയങ്ങളുമുണ്ടെന്ന് അദ്ദേഹം പറഞ്ഞു. സംഭവത്തില്‍ കൃത്യമായ അന്വേഷണം വേണമെങ്കില്‍ പുറത്തുനിന്നുള്ള ഏജന്‍സി വേണം. സിബിഐ അന്വേഷണത്തിന് എതിരേ സര്‍ക്കാര്‍ അതിശക്തമായി നിന്നു. എന്തിനാണ് സിബിഐ അന്വേഷണം വേണമെന്ന ആവശ്യത്തെ സര്‍ക്കാര്‍ എതിര്‍ക്കുന്നതെന്നും അദ്ദേഹം ചോദിച്ചു. സിബിഐ അന്വേഷണം വേണ്ടെന്ന ഹൈക്കോടതി വിധിക്കെതിരേ ഡിവിഷന്‍ ബെഞ്ചില്‍ അപ്പീല്‍ നല്‍കുമെന്നും അദ്ദേഹം പ്രതികരിച്ചു.
ചൊവ്വാഴ്ചയാണ് ഡോ. വന്ദനാ വധക്കേസിൽ സിബിഐ അന്വേഷണം ആവശ്യപ്പെട്ട് മോഹന്‍ദാസ് നല്‍കിയ ഹര്‍ജി ഹൈക്കോടതി സിംഗിൾ ബെഞ്ച് തള്ളിയത്. അപൂര്‍വമായ മറ്റെന്തെങ്കിലും സാഹചര്യത്തില്‍ മാത്രമാണ് കേസ് സിബിഐക്ക് വിടാന്‍ കോടതിക്ക് കഴിയുക. കേസില്‍ അപൂര്‍വമായ സാഹചര്യമില്ലെന്ന് കോടതി നിരീക്ഷിച്ചു. പോലീസ് അന്വേഷണത്തില്‍ എന്തെങ്കിലും വീഴ്ച കണ്ടെത്തിയിട്ടില്ലെന്നും കോടതി വ്യക്തമാക്കി. നിലവിലെ അന്വേഷണത്തില്‍ തൃപ്തി രേഖപ്പെടുത്തിയ കോടതി ഹർജി തള്ളുകയായിരുന്നു.
About The Author
