സർക്കാർ ടീച്ചേഴ്സ് ട്രെയിനിംഗ് കോളജ് ഹോസ്റ്റലിൽ വിദ്യാർഥി ജീവനൊടുക്കാൻ ശ്രമിച്ചു
തിരുവല്ലയിലെ ഹോസ്റ്റലിൽ വിദ്യാർഥി ജീവനൊടുക്കാൻ ശ്രമിച്ചു. സർക്കാർ ടീച്ചേഴ്സ് ട്രെയിനിംഗ് കോളജ് ഹോസ്റ്റലിലാണ് സംഭവം. ടിടിസി രണ്ടാം വർഷ വിദ്യാർഥിയാണ് ബുധനാഴ്ച രാത്രി ജീവനൊടുക്കാൻ ശ്രമിച്ചത്. വിദ്യാർഥിയുടെ ആരോഗ്യനില കുഴപ്പമില്ലെന്നാണ് പോലീസ് പറയുന്നത്. മലയാളം അധ്യാപികക്കെതിരെ വിദ്യാർഥികൾ സമരത്തിലായിരുന്നു. കാസർഗോഡ് സ്വദേശിയായ വിദ്യാർഥി തിരുവല്ലയിലെ ആശുപത്രിയിൽ തീവ്ര പരിചരണ വിഭാഗത്തിൽ ചികിത്സയിൽ തുടരുകയാണ്.