ഹൈറിച്ച് ഓണ്ലൈന് തട്ടിപ്പ് കേസ്; പ്രതികളുടെ മുന്കൂര് ജാമ്യാപേക്ഷ നാളെ പരിഗണിക്കും
ഹൈറിച്ച് ഓണ്ലൈന് ഷോപ്പി ലിമിറ്റഡ് എന്ന കമ്പനിയുടെ മറവില് കോടികളുടെ തട്ടിപ്പ് നടത്തിയ കേസില്, പ്രതികളുടെ മുന്കൂര് ജാമ്യാപേക്ഷ കൊച്ചിയിലെ പി എം എല് എ കോടതി നാളെ പരിഗണിക്കും. കമ്പനിയുടമകളായ കെ ഡി പ്രാതാപനും ഭാര്യ ശ്രീനയുമാണ് മുന്കൂര് ജാമ്യാപേക്ഷയുമായി കോടതിയെ സമീപിച്ചിരിക്കുന്നത്.
മണിച്ചെയിന് മാതൃകയില് 1650 കോടി രൂപയുടെ തട്ടിപ്പ് നടത്തിയെന്നായിരുന്നു പോലീസ് കോടതിയില് നല്കിയ റിപ്പോര്ട്ട്. വിദേശത്തേക്ക് ഹവാലയായി 100 കോടിയില്പ്പരം രൂപ കടത്തിയതായും കണ്ടെത്തിയിരുന്നു. ഇതെക്കുറിച്ചാണ് ഇ ഡി അന്വേഷിക്കുന്നത്. ഇതിന്റെ ഭാഗമായി ഇരുവരുടെയും വീട്ടിലും സ്ഥാപനത്തിലും ഇ ഡി റെയ്ഡ് നടത്താനെത്തിയപ്പോള് രണ്ടും പേരും മുങ്ങുകയായിരുന്നു. ഒളിവില് കഴിയുന്ന ഇവരുടെ പേരിലുള്ള 200 കോടിരൂപയുടെ സ്വത്തുക്കള് മരവിപ്പിച്ചിരുന്നു.