എഫ്ഐആറിന്റെ പകര്പ്പ് കിട്ടാതെ പ്രതിഷേധം അവസാനിപ്പിക്കില്ലെന്ന് ഗവര്ണര്; ഡിജിപിയെ പരാതി അറിയിച്ചു
എസ്എഫ്ഐക്കാർ കരിങ്കൊടി കാണിച്ചതിനെതിരേ നിലമേലില് റോഡരികില് കസേരയിട്ട് ഇരുന്നുള്ള ഗവര്ണറുടെ പ്രതിഷേധം ഒരു മണിക്കൂര് പിന്നിട്ടു. ഇതിനിടെ സംസ്ഥാന പോലീസ് മേധാവി ഡോ. ഷെയ്ഖ് ദർവേഷ് സാഹിബ്ഗവര്ണറെ ഫോണില് വിളിച്ച് അനുനയത്തിന് ശ്രമിച്ചു.മുഖ്യമന്ത്രി കടന്നുപോകുന്ന വഴിയില് ഇത്തരമൊരു പ്രതിഷേധം അനുവദിക്കുമോ എന്ന് ഗവര്ണര് ഡിജിപിയോട് ചോദിച്ചു. പ്രതിഷേധിച്ച എസ്എഫ്ഐക്കാര്ക്കെതിരേയുള്ള എഫ്ഐആറിന്റെ പകര്പ്പ് കിട്ടാതെ പ്രതിഷേധം അവസാനിപ്പിക്കില്ലെന്ന നിലപാടിലാണ് ഗവര്ണര്. കേന്ദ്ര ആഭ്യന്ത മന്ത്രിയുടെ സെക്രട്ടറിയെയും ഗവര്ണര് പരാതി അറിയിച്ചിട്ടുണ്ട്.
ഗവര്ണര്ക്കെതിരേ പ്രതിഷേധിച്ച 17 എസ്എഫ്ഐക്കാരെയാണ് പോലീസ് അറസ്റ്റ് ചെയ്തത്. ഇവര്ക്കെതിരേ കേസെടുത്തെന്ന് പോലീസ് അറിയിച്ചെങ്കിലും ഗവര്ണര് എഫ്ഐആറിന്റെ പകര്പ്പ് ആവശ്യപ്പെടുകയായിരുന്നു.