തൊടുപുഴ തൊമ്മൻകുത്ത് പുഴയിൽ കാൽ കഴുകാൻ ഇറങ്ങിയ രണ്ടു യുവാക്കൾ‌ മുങ്ങിമരിച്ചു -

തൊടുപുഴ തൊമ്മൻകുത്ത് പുഴയിൽ കാൽ കഴുകാൻ ഇറങ്ങിയ രണ്ടു യുവാക്കൾ‌ മുങ്ങിമരിച്ചു. മരിച്ചത് വാഴക്കാല സ്വദേശി മോബിസ് ഐസക്, ചീങ്കൽസിറ്റി സ്വദേശി ബ്ലസൻ എന്നിവരാണ് മരിച്ചത്. ഇരുവരെയും ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

ഉച്ചയ്ക്ക് ശേഷമാണ് അപകടമുണ്ടായത്. ക്രിസ്മസ് അവധിയായതിനാൽ തൊമ്മൻകുത്ത് വെള്ളച്ചാട്ടം കാണാനായി എത്തിയതായിരുന്നു ഇരുവരും. വെള്ളച്ചാട്ടത്തിലേക്ക് ഇറങ്ങാൻ ശ്രമിച്ചപ്പോൾ ലൈഫ് ഗാർഡ് തടഞ്ഞിരുന്നു. തുടർന്ന് ഇവർ വീട്ടിലേക്ക് തിരിച്ചു.

ഇതിനിടെ തൊമ്മൻകുത്ത് പുഴ ഒഴുകി വരുന്ന സ്ഥലത്ത് കാൽ കഴുകാൻ ഇറങ്ങി. ഈ സമയത്ത് ഇവർ കാൽ വഴുതി പുഴയിൽ വീഴുകയായിരുന്നു. ഒപ്പമുണ്ടായിരുന്ന ബന്ധുക്കളും നാട്ടുകാരും രക്ഷപ്പെടുത്താൻ ശ്രമിച്ചെങ്കിലും കയത്തിലേക്ക് ഇരുവരും മുങ്ങിത്താഴുകയായിരുന്നു.