മുഖ്യമന്ത്രിക്കെതിരായി പ്രതിഷേധിച്ച ഭിന്നശേഷിക്കാരനെ മര്ദിച്ച സംഭവത്തില് ഉടൻ നടപടി; മന്ത്രി സജി ചെറിയാന്
മുഖ്യമന്ത്രിക്കെതിരായി പ്രതിഷേധിച്ച ഭിന്നശേഷിക്കാരനെ മര്ദിച്ച സംഭവത്തില് നടപടിയുണ്ടാകുമെന്ന് മന്ത്രി സജി ചെറിയാന്. സംഭവം സിപിഐഎം അന്വേഷിക്കും. പാര്ട്ടി നേതൃത്വത്തിന് ഇത് സംബന്ധിച്ച് നിര്ദേശം നല്കി. റിപ്പോര്ട്ട് ലഭിച്ചാല് നടപടിക്ക് മടിക്കില്ലെന്നും അദ്ദേഹം വ്യക്തമാക്കി.
അതേസമയം സംസ്ഥാനമൊട്ടാകെ പൊലീസിനും മുഖ്യമന്ത്രിയുടെ സുരക്ഷാ ഉദ്യോഗസ്ഥര്ക്കും എതിരെ പ്രതിഷേധം കടുപ്പിക്കാന് ഒരുങ്ങുകയാണ് കോണ്ഗ്രസ്. നവ കേരള സദസ്സിനും മുഖ്യമന്ത്രിക്കും എതിരെയുള്ള പ്രതിഷേധങ്ങളെ അക്രമത്തിലൂടെ നേരിടുന്നു എന്ന് ആരോപിച്ചാണ് കോണ്ഗ്രസിന്റെ സമരം. ഈ മാസം 20ന് കോണ്ഗ്രസ് സംസ്ഥാനത്തെ എല്ലാ പൊലീസ് സ്റ്റേഷനുകളിലേക്കും മാര്ച്ച് നടത്തും. യൂത്ത് കോണ്ഗ്രസ് സെക്രട്ടറിയേറ്റിലേക്കും പൊലീസ് തേര്വാഴ്ച്ചയില് പ്രതിഷേധിച്ച് മാര്ച്ച് നടത്തും. നവ കേരളസഭസ് അവസാനത്തോട് അടുക്കുമ്പോള് പ്രതിഷേധവും കൂടുതല് ശക്തിപ്പെടുത്താനാണ് കോണ്ഗ്രസിനുള്ളിലെ തീരുമാനം.